१२ फागुन, काठमाडौं । अछाममा एक १२ वर्षीया बालिका बलात्कृत भएको विषय संसद्मा उठेको छ । आफन्तबाटै बालिका बलात्कृत भएको विषयमा सांसदले सरकारको ध्यानाकर्षण गरेका छन् ।
राष्ट्रिय प्रजातन्त्र पार्टी (राप्रपा)की सांसद रोशन कार्कीले डर धाक देखाएर नाता पर्नेबाटै बलात्कृत हुने विषयमा सरकार मौन रहेको गुनासो गरिन् ।
बालिकाहरू नातागोताबाटै बलात्कृत हुने विषय कहिले रोकिन्छ भन्ने प्रश्न उनले गरिन् । ती बालिका २८ हप्ताको गर्भवती समेत रहेको उनले बताइन् ।
‘यस्तो घटनातर्फ सरकारले कहिले ध्यान दिन्छ ?,’ उनको प्रश्न छ ।
यस्ता घटना रोक्न प्रहरी तदारुकताका साथ लाग्नुपर्नेमा त्यसो भएको अनुभूत गर्न नसकिएको उनले बताइन् ।
नेपाली कांग्रेसका सांसद पुष्पबहादुर शाहले पनि यो विषयमा सरकारको ध्यानाकर्षण गरे ।
अछाम जिल्ला प्रहरी कार्यालयमा उजुरी दर्ता भइरहेको उनले जानकारी दिए । आरोपित भारतमा रहेको जानकारी दिए ।
इन्टरपोल मार्फत सरकारले आरोपितलाई नेपाल ल्याएर कारबाही प्रक्रिया अगाडि बढाउनुपर्ने उनको आग्रह छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.jpeg)
प्रतिक्रिया 4