+
+
Shares

यी ६ वटा कुरा, जुन आफ्नो जीवनबाट हटाइदिनुस्

अनलाइनखबर अनलाइनखबर
२०८१ फागुन १४ गते १६:२८

जीवनलाई कसरी सुखी, सहज र सफल बनाउने ? हरक्षण हामी यसैको खोजीमा हुन्छौँ । चाहे धन ऐश्वर्य आर्जन गरेर होस् वा मान प्रतिष्ठा ।  तर, जिन्दगी सोचेजस्तो भइरहेको हुँदैन । किन ?

यसका पनि अनेक कारण हुनसक्छ । हामी जीवनलाई सहज र सफल बनाउन जुन लक्ष्य तय गर्छौं, त्यसमा अनेक अड्चन र अलमल भइरहेको हुन्छ । र, त्यो हाम्रै कारणले हुन्छ । त्यसैले यस्ता केही कुरालाई सर्लक्कै हटाइदिने हो भने जीवनलाई सहज र सुन्दर बनाउन सकिन्छ ।

१. अनावश्यक साथी

साथी सबैभन्दा माथि भन्ने गरिन्छ । जीवनमा आइपर्ने कतिपय अप्ठ्यारा वा प्रतिकूलतामा त्यस्ता साथीहरुले सहयोगी हात दिने गर्छन् । तर, सबै साथी त्यस्ता हुँदैनन् ।

कति साथी यस्ता हुन्छन्, जसले तपाईँको समय बर्बाद गरिदिन्छन् । तपाईँको पैसा बर्बाद गरिदिन्छन् । उनीहरुले तपाईँलाई घुम्न, रमाइलो गर्न बढी हौस्याउँछन् । मदिरा र मोजमस्तीका लागि अग्रसर गराउँछन् ।

साथै कति साथी यस्ता हुन्छन्, जो अक्सर नकारात्मक कुरा मात्र गर्छन् । निराशावादी हुन्छन् । यस्ता साथीहरुको संगतले जीवन बोझिलो बन्छ । त्यसैले यस्ता साथीहरु पूर्णत कटौती गर्नुपर्छ ।

२. बितेका कुरा

बिगतमा रमाउने वा विगतका कुरामा पछुतो गर्ने बानीले हामीलाई अगाडि बढ्न अवरोध गर्छ ।
बिगतकै रमाइलोमा अलमल गर्ने, विगतमै भएका गल्ती कमजोरीमा पछुतो गर्ने बानी त्याग्नु जरुरी छ । बाँच्ने भनेको वर्तमानमा हो । वर्तमानलाई कसरी सुन्दर र सार्थक बनाउने ? यसमा केन्द्रित हुनुपर्छ ।

३. अनावश्यक तनाव

खुसीको साथ जीवनका लागि अनावश्यक तनावलाई जीवनबाट हटाइदिनु पर्छ । अनावश्यक तनाव हटाउन यसलाई व्यवस्थापन गर्ने उपायहरू खोज्नुपर्छ । चाहे त्यो गीत गाएर होस वा खेल खेलेर । आफ्नो मनलाई शान्त पार्ने र भित्री शान्ति महसुस हुने कुरामा समय बिताउनुपर्छ । यसो गर्नाले तनाव कम हुन्छ ।

४. सधैँ ‘हुन्छ’ भन्ने बानी

कसैको बानी हरेक कुरामा हस् भन्ने कुनै कुरामा पनि नाइँ नभन्ने हुन्छ । तपाईँको पनि यस्तो बानी छ भने यसलाई जीवनबाट हटाउनुपर्छ । यस्ता व्यक्तिले सधैँ अरूको खुसीको ख्याल राख्दा–राख्दै आफ्नो खुसीको ख्याल राख्न र आफ्नो लागि समय छुट्टाउन पाउँदैनन् । त्यसैले हरके कुरामा हस् भन्ने बानी पनि जीवनबाट हटाइदिनुपर्छ ।

५. बहाना बनाउने बानी

समय–समयमा बहाना बनाउनु सामान्य हो । तर, धेरै बहाना बनाउनुले लापरबाहीको सङ्केत गर्नसक्छ । यदि यसले जीवनमा हस्तक्षेप गर्नथाल्छ र आफ्नो लक्ष्यमा पुग्नबाट रोक्छ भने बहाना बनाउने बानीलाई छोड्नुपर्छ ।

६. एकोहोरो बनिबनाउ धारणा

कतिपय मान्छेलाई के लाग्छ भने आफूले सोचेको कुरा मात्र सही हो । त्यस्ता व्यक्तिले अरूको कुरालाई स्वीकार्न चाहँदैनन् । व्यक्तिमा भएको बनिबनाउ धारणाको कारण उसलाई अरूले सही कुरा भने पनि गलत नै लाग्छ । त्यस्ता व्यक्तिले आफ्नो जीवनबाट यस्तो बनिबनाउ धारणालाई हटाउनुपर्छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?