१५ फागुन, काठमाडौं । कृषि तथा पशुपन्छी विकासमन्त्री रामनाथ अधिकारीले आफ्नो मन्त्रालयले किसानको पक्षमा काम गरिरहेको बताएका छन् ।
युवा किसान सञ्जालले काठमाडौंमा बिहीबार आयोजना गरेको किसान सम्मान एवं अन्तर्क्रियामा मन्त्री अधिकारी आफूले मन्त्रालयको नेतृत्व सम्हालेको आठ महिनामा भएका कार्य र निर्णय समग्र कृषि र किसानको पक्षमा भएको दाबी गरे ।
‘कृषि ऐन चाँडै अघि बढाउने गरी मन्त्रालयले काम गरिरहेको छ, कृषिमार्फत हामीले चाहेको समृद्धि नयाँ ऐनमार्फत प्राप्त हुन सक्ने गरी तयार हुँदैछ,’ मन्त्री अधिकारीले भने ।
मन्त्री अधिकारीले कृषि मन्त्रालय मार्फत पाँच वर्षयता अनुदान लिएकाको नाम सार्वजनिक गरिएको उल्लेख गरे ।
‘कृषि र किसानका नाममा १ खर्ब ७ अर्ब रुपैयाँ वितरण भएको रहेछ, यसको उपलब्धि खोज्ने काम भएको छ,’ उनले भने ।
उनले सिंहदरबार चहारेर अनुदान लिने विगतको प्रवृत्ति अन्त्य भएको र आफू मन्त्रालयको नेतृत्वमा रहँदासम्म अनुदान दुरुपयोग हुन नदिने प्रतिबद्धता पनि व्यक्त गरे ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.jpeg)
प्रतिक्रिया 4