१५ फागुन, काठमाडौं। भारतको भुवनेश्वरस्थित केआईआईटी कलेजबाट फर्किएका केही नेपाली विद्यार्थीले त्रिभुवन विश्वविद्यालयमा सम्पर्क गरेका छन् । उनीहरुले इमेलमार्फत त्रिविमा सम्पर्क गरेका हुन् ।
त्रिभुवन विश्वविद्यालय, काठमाडौं विश्वविद्यालय र पूर्वाञ्चल विश्वविद्यालयले केआईआईटीमा भएको समस्याको कारण नेपाल फर्किन बाध्य नेपाली विद्यार्थीलाई भर्ना गर्न सकिने सूचना जारी गरेका थिए । यी विश्वविद्यालयले विद्यार्थीहरूलाई क्रेडिट ट्रान्सफर नीति अनुरुप भर्ना गर्न सकिने बताइरहेका छन् ।
सूचना जारी भएपछि त्रिभुवन विश्वविद्यालयमा १५/१६ जना विद्यार्थीको इमेल आएको त्रिविका शिक्षाध्यक्ष प्राडा खड्ग केसीले जानकारी दिए । उनले भने, ‘विद्यार्थीहरूले इमेलमार्फत सम्पर्क गरिरहेका छन् । क्रेडिट ट्रान्सफर नीति अनुरुप भर्ना गर्न सकिन्छ ।’
त्रिविका शिक्षाध्यक्ष केसीले विज्ञप्ति जारी गर्दै केआईआईटीमा भएको समस्याको कारणले स्वदेश फिर्ता हुन बाध्य भएका नेपाली विद्यार्थीहरूलाई भर्ना गर्न सकिने स्पष्ट पारेका थिए ।
‘त्रिविले भारतको उडिसा राज्यको भुवनेश्वरस्थित किटमा सिर्जना भएको समस्याको कारणले स्वदेश फिर्ता हुन बाध्य भएका नेपाली विद्यार्थीहरूले त्रिविमा सञ्चालित कार्यक्रम र विषयमा अध्ययन गर्न चाहेमा क्रेडिट ट्रान्सफर नीति अनुरुप भर्ना गर्न सकिने सम्बन्धित सबैका लागि जानकारी गराइन्छ,’ त्रिविको विज्ञप्तिमा भनिएको छ ।
विश्वविद्लयहरुले भर्नाका लागि आह्वान गरे पनि विद्यार्थीलाई क्रेडिट आवर ट्रान्सफर गर्न समस्या हुने विषय उठिरहेको छ । तर विश्वविद्यालयका अधिकारीहरू यसमा कुनै समस्या नरहेको बताउँछन् । ‘परम्परादेखि नै क्रेडिट आवर ट्रान्सफर भइरहेको छ । २० वर्षदेखिको अभ्यास हो,’ काठमाडौं विश्वविद्यालय स्कुल अफ एजुकेसनका डिन प्राडा बालचन्द्र लुईँटेलले भने ।
पूर्वाञ्चल विश्वविद्यालयले पनि विदेशमा विद्यार्थीले पढिरहेका विषय यता पनि मिल्ने भएमा क्रेडिट आवर ट्रान्सफर गरेर भर्ना गर्ने बताएको छ ।
विद्यार्थी प्रकृति लम्सालको रहस्यमय मृत्युपछि केआईआईटीमा अध्ययनरत नेपाली विद्यार्थीमाथि क्याम्पस प्रशासनकै निर्देशनमा दुर्व्यवहार तथा कुटपिट भएको थियो । त्यसपछि त्यहाँ अध्ययनरत नेपाली विद्यार्थी स्वदेश फर्किन बाध्य थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.jpeg)
प्रतिक्रिया 4