सेयर बजारमा मूल्य हालसम्मकै उच्च भएका यी ७ कम्पनी

१६ फागुन, काठमाडौं । सेयर बजार हाल ६ महिनाकै उच्च विन्दुमा पुगेको छ ।

हाल २८१५ अंकमा कायम भएको छ । यो अंक १८ भदौयताकै उच्च हो । साउन ३१ गते ३ हजार अंकमा पुगेको बजार त्यसयता १३ असोजमा न्यूनतम विन्दु २४६४ अंक कायम भयो । अहिले फेरि बजार बढ्दो लयमा छ ।

‘हायर लो, हायर हाइ’ ट्रेन्ड बनाएको बजारमा कतिपय कम्पनीको मूल्यमा भने नयाँ रेकर्ड बनेको छ । विगतमा दिएको हकप्रद सेयर वा बोनस सेयर समायोजनपछि नयाँ मूल्य रेकर्ड बनेको हो ।

यहीं बेला ७ कम्पनीको मूल्य हालसम्मकै उच्च विन्दुमा पुगेको छ । यसरी मूल्य उच्च विन्दुमा पुगेका कम्पनीमा ३ वटा हाइड्रोपावर सेक्टरका छन् भने एउटा जीवन बीमा, एउटा अन्य, एउटा विकास बैंक र एउटा लगानी सेक्टरको छ ।

कारोबारकै क्रममा (इन्ट्राडे)मा किनिएको सेयरबाहेक यी ७ कम्पनीका करिब सबैजसो सेयरहोल्डर नाफामा छन् । तसर्थ यी कम्पनीको सेयर यतिबेला नाफा बुक गरेर बेच्नका लागि अवसर हुन सक्छ । यस्ता कम्पनीको मूल्य थप बढ्ने अनुमानका बीच कतिपयले खरिद पनि बढाउने गरेका छन् ।

उच्च मूल्यमा पुगेका कम्पनीको सेयरमा जोखिम पनि बढी हुनेतर्फ लगानीकर्ता सचेत रहनुपर्छ । विगतमा उच्च मूल्यमा पुगेका कतिपय फाइनान्स कम्पनी अहिले आधा घटेका उदाहरण छन् ।

हालसम्मकै उच्च मूल्यमा पुगेका कम्पनी