२०८१ फागुन १६ गते १७:४१ 
१६ फागुन, काठमाडौं । नेपाली राष्ट्रिय महिला फुटबल टोलीकी कप्तान तथा गोलकिपर एन्जिला तुम्बापो सुब्बा क्लब फुटबल खेल्नका लागि ग्रीस प्रस्थान गरेकी छन् ।
एन्जिला शुक्रबार ग्रीसतर्फ लागेकी हुन् । यसअघि फरवार्डद्वय सावित्रा भण्डारी फ्रान्स र रेखा पौडेल यूएईतर्फ बिहीबार नै गइसकेका थिए । एन्जिला शुक्रबार गएकी हुन् ।
ग्रीक क्लब निस अट्रोमिटौमा आबद्ध उनलाई त्रिभुवन अन्तर्राष्ट्रिय विमानस्थलमा शुक्रबार एन्फाका पदाधिकारीहरूले बिदाई गरेका थिए ।
नेपाली राष्ट्रिय टोलीबाट खेल्न नेपाल फर्किएका उनीहरू तीनैजना बुधबार अन्तर्राष्ट्रिय महिला फुटबल प्रतियोगिता सकिएसँगै पुनः क्लब फुटबलका लागि फर्किएका हुन् ।
बुधबार सम्पन्न फाइनल खेलमा नेपाल म्यानमारसँग पराजित भएको थियो ।
एन्जिलाको जीवनीमा आधारित तथा उनी आफैं अभिनित चलचित्र एन्जिला अब केही दिनमा प्रसारणमा आउँदै छ । त्यस चलचित्रको ट्रेलर रिलिज पनि शुक्रबार भएको थियो ।
प्रतिक्रिया 4