२०८१ फागुन १६ गते १९:४३ 
१६ फागुन, काठमाडौं । इंग्ल्याण्ड क्रिकेट टिमका कप्तान जस बट्लरले लिमिटेड ओभर क्रिकेटको कप्तानी छाडेको घोषणा गरेका छन् ।
जारी च्याम्पियन्स ट्रफी क्रिकेटमा खराब प्रदर्शन गर्दै समूह चरणबाटै बाहिरिएपछि बट्लरले कप्तानी छाडेको बीबीसीले जनाएको छ ।
शनिबार हुने दक्षिण अफ्रिकासँगको खेल उनका लागि कप्तानका रूपमा अन्तिम खेल हुनेछ । ‘मेले कप्तानी छाड्न चाहन्छु, यो मेरो लागि र टिमका लागि नै सही निर्णय हो’ उनले भनेका छन् ।
आठ टिम सम्मिलित च्याम्पियन्स ट्रफीको समूह बी मा रहेको इंग्ल्याण्ड अस्ट्रेलिया र अफगानिस्तानसँग पराजित हुँदै एक खेलअगावै बाहिरिसकेको छ ।
समूह बी मा शुक्रबार अस्ट्रेलिया र अफगानिस्तानबीचको खेल चलिरहेको छ ।
प्रतिक्रिया 4