१६ फागुन, काठमाडौं। काठमाडौं महानगरपालिकाका मेयर बालेन शाहले संघीय सरकारले भोको पेट मारेर आफू हराउन खोजेकाे आरोप लगाएका छन् ।
प्रधानमन्त्री केपी शर्मा ओलीलाई सम्बोधन गर्दै बालेनले सामाजिक सञ्जालमा पोस्ट राख्दै युस्तो आरोप लगाएका हुन् । उनले आफूहरू मदन भण्डारीकै सपना पूरा गर्न हिंडेको मान्छे रहेको बताएका छन् ।
उनले भनेका छन्, ‘ प्रधानमन्त्रीज्यु ,भोको पेट मारेर मलाई हराउन खोज्नु भाकोछ,हामी त तपाईंकै मदन भण्डारीको सपना पुरा गर्न हिडेको मन्छे !’
मेयर शाहले प्रधानमन्त्री ओलीलाई आफुलाई हराउने दाउमा देशलाई नडुबाउन सुझाव दिएका छन् ।
‘मलाई हराउने ताकमा , देशलाई चै नडुबाउनु होला !!’ उनले भनेका छन् ।
संघीय सरकारले काठमाडौैं महानगरपालिकालाई प्रमुख प्रशासकीय अधिकृत नपठाउँदा महानगरको विकासको काम रोकिएको छ ।
यता, स्थानीय तहमा प्रमुख प्रशासकीय अधिकृत पठाउने, सरुवा गर्ने जिम्मेवारी पाएको संघीय मामिला तथा सामान्य प्रशासन मन्त्रालयले भने महानगरमा अहिलेसम्म औपचारिक रूपमा प्रमुख प्रशासकीय अधिकृत पठाउनुपर्ने नदेखिएको बताउँदै आएको छ ।
आर्थिक अधिकार संघीय सरकारले पठाएका अधिकारीलाई मात्र हुने प्रावधान हुँदा महानगरमा निमित्त जिम्मेवारी पाएर पनि चलाउन नसक्ने महानगरले जनाएको छ ।
काठमाडौं महानगर प्रशासन विभाग प्रमुख ध्रुवकुमार काफ्ले आर्थिक अधिकार रोकिएको बताएका छन् ।
मेयर बालेनको सचिवालयले भने संघ सरकारले तत्काल महानगरमा प्रशासकीय प्रमुखका रूपमा सहसचिव खटाउनुपर्ने माग गर्दै आएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4