काठमाडौँ । चलचित्र विकास बोर्ड र नेपाल प्रहरीले लागूऔषध नियन्त्रण तथा रोकथाममा सहकार्य गर्ने भएका छन् । सोमबार यी दुई सरकारी निकायबीच द्विपक्षीय सम्झौता भएको छ ।
बोर्ड अध्यक्ष दिनेश डीसी र प्रहरी अतिरिक्त महानिरीक्षक टेकबहादुर तामाङबीच काठमाडौँ उपत्यका प्रहरी कार्यालय रानीपोखरीको आयोजनामा भृकुटीमण्डपस्थित पुलिस क्लबको हलमा शनिबार आयोजित समारोहमा सम्झौता भएको हो ।
समारोहमा गृहमन्त्री रमेश लेखक, गृहसचिव गोकर्णमणि दुवाडी र प्रहरी महानिरीक्षक वसन्त कुँवर पनि उपस्थित थिए । सम्झौताअनुसार दुवै निकायले लागूऔषध दुव्र्यसनविरुद्ध सचेतनामूलक कार्यक्रम सञ्चालन गर्ने र युवालार्ई सकारात्मक जीवनशैलीतर्फ उन्मुख गराउने लक्ष्य लिएका छन् ।
फिल्मको माध्यमबाट लागूऔषधको दुष्प्रभावबारे चेतना फैलाउने योजना राखिएको छ । लागूऔषध प्रयोग तथा दुव्र्यसनलाई बढावा दिने खालका फिल्म, विज्ञापन वा सामाजिक सन्देशलाई निरुत्साहित गर्ने सहमतिमा उल्लेख छ ।
दुव्र्यसन न्यूनीकरणका लागि विभिन्न सचेतनामूलक फिल्म र भिडियो सामग्री निर्माण गर्ने, सिनेमा हलमा प्रदर्शन गर्ने, विद्यालय र विश्वविद्यालयस्तरमा सचेतना कार्यक्रम सञ्चालन गर्ने, समुदायमा लागूऔषधविरुद्ध अभियान सञ्चालन गर्ने पहल गर्ने उल्लेख छ ।
स्रोत व्यक्ति परिचालन गरि थप रणनीति तय गरिने पनि बताइएको छ । अध्यक्ष डीसीले लागूऔषधविरुद्धको अभियान लगायत समाज परिवर्तनको कुराहरुलाई सशक्त रूपमा अघि बढाउन चलचित्र क्षेत्रको भूमिका महत्वपूर्ण रहेको बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4