एप्पलले ६ महिनामै किन बन्द गर्यो ६ आइफोन ?

काठमाडौं । आइफोन निर्माता कम्पनी एप्पलले पछिल्लो ६ महिनामा विभिन्न मोडेलका ६ फोन सधैंका लागि बन्द गरेको छ ।

कम्पनीले गत वर्ष सेप्टेम्बरमा आइफोन १६ सिरिज लन्च गरेको थियो । उक्त सिरिजको सार्वजनिकीकरणसँगै एप्पलले ‘आइफोन–१३’, ‘आइफोन–१५ प्रो’ तथा ‘आइफोन–१५ प्रो म्याक्स’को उत्पादन बन्द गरेको थियो । तर आइफोन–१४ सिरिज तथा आइफोन–१५ सिरिज चाहिँ त्यसबेला बिक्रीमा उपलब्ध थिए ।

हालै एप्पलले आफ्नो सस्तो मूल्यको मोडेलको रुपमा रहेको आइफोन १६ ई लन्च गर्यो । यो मोडेलले आइफोन एसई मोडेललाई प्रतिस्थापन गरेको छ र यससँगै कम्पनीले आइफोन एसई–थ्रीलाई पनि बन्द गरेको छ । साथै एप्पलले ‘आइफोन–१४’ र ‘आइफोन–१४ प्लस’लाई पनि बन्द गर्ने निर्णय गरेको छ ।

अघिल्लो वर्षको सेप्टेम्बरदेखि यो वर्षको फेब्रुअरीसम्ममा कम्पनीले आधा दर्जन फोन बन्द गरेको छ । एप्पलले नियमित रुपमा यसरी पुराना मोडेलका फोनहरुको उत्पादन तथा बिक्री बन्द गर्दछ । नयाँ फोन बजारमा ल्याएसँगै पुराना फोन बन्द गर्नु उसको व्यवसायिक तथा प्राविधिक रणनीतिको हिस्सा नै हो । योसँगै एप्पलले उक्त मोडेलका नयाँ फोन उत्पादन गर्दैन तर बजारमा गइसकेका फोन चाहिँ बिक्री हुन्छन् र त्यसमा एप्पलले सफ्टवेयर अपडेट पनि उपलब्ध गराउँछ

एप्पलले ६ महिनामै ६ थरी आइफोन बन्द गरेको यो पहिलोपटक हो । यसको एउटा महत्वपूर्ण कारण आइफोन एसईको मूल्य रहेको बताइएको छ । सुपथ मूल्यको यो फोनको बिक्रीलाई पुरानो मोडेलका अन्य आइफोनले असर नपरोस् भन्ने एप्पल चाहन्छ ।

–एजेन्सीको सहयोगमा