काठमाडौं । हलिउड अभिनेता, र्यापर तथा फिल्म निर्माता विल स्मिथ फेरि एकपटक विवादमा परेका छन् । उनको एक भिडियो इन्टरनेटमा भाइरल भैरहेको छ, जसमा उनले मियामीमा आयोजित अवार्ड कार्यक्रममा पपगायिका इंडिया मार्टिनेजलाई किस गर्ने प्रयास गरिरहेका छन् ।
गीत गाउँदै गर्दा दुवैजना निकै नजिक आउँछन् । नेटिजनहरू स्मिथको यो हर्कतलाई लिएर अचम्मित छन् । अभिनेताकी पत्नी जाडा पिन्केट स्मिथका फ्यानले ट्रोल गरिरहेका छन् । यसअघि सन् २०२२ मा विलले ओस्कार अवार्ड कार्यक्रममा होस्ट क्रिस रकलाई थप्पड हानेपछि विवादमा परेका थिए ।
यो भिडियो मियामीमा आयोजित ‘प्रिमियो लो नुएस्त्रो’ अवार्ड शोको हो । स्टेजमा स्पेनी गायिका इंडिया मार्टिनेज र हलिउड अभिनेता विल स्मिथ थिए । दुबैले ‘फस्ट लभ’ गीतमाथि प्रस्तुति दिइरहेका थिए । सो क्रममा उनीहरू एकअर्काको धेरै नजिक आउँछन् । हेर्दा चुम्बन गर्न लागेको जस्तो देखिन्छ ।
भिडियो हेरेपछि विल स्मिथको आलोचना भैरहेको छ । श्रीमती जाडा पिन्केट स्मिथका फ्यानले यसलाई ‘लज्जास्पद’ भनेका छन् । एक प्रयोगकता लेख्छन्– अनुपयुक्त । चाहे त्यो ’मनोरञ्जन’ नै किन नहोस् ?’ अर्काले टिप्पणी गरेः ’यो सबै कुरा डरलाग्दो छ ।’
View this post on Instagram
एकजना फयानले स्मिथकी श्रीमतीलाई उद्धृत गर्दै लेखेका छन्, ‘त्यसैले उनीहरु अलग बसिरहेका छन् । तर, अभिनेताका कतिपय फ्यानले उनी खुसी र आफ्नो जीवनमा रमाइलो रहेको बताएका छन् ।
सन् २०२२ को अस्कर अवार्ड समारोहमा पनि क्रिस रकले विल स्मिथकी श्रीमती जाडा पिन्केट स्मिथको कपाललाई लिएर मजाक उडाएपछि क्रोधित स्मिथले स्टेजमा उक्लिएर थप्पड हाने । यसपछि ओस्करले विललाई १० वर्ष प्रतिबन्ध पनि लगाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4