काठमाडौं । केही दिनअघिसम्म बलिउड स्टार लारा दत्त काठमाडौं घुमघाममा ब्यस्त रहिन् । एक फेसन शोमा सहभागि हुन नेपाल आएकी उनले धार्मिक र सांस्कृतिक सम्पदा भ्रमण गरिन् । अनि पर्वतीय उडानमार्फत सगरमाथा अवलोकन गरिन् ।
महाशिवरात्री मनाएर ‘चलो दिल्ली’ अभिनेत्री भारत फर्किएकी छन् । पशुपतिनाथ मन्दिर, भक्तपुर दरबार स्क्वायर, बौद्ध स्तुपा र आसपासका गुम्बा भ्रमण गरेकी लाराले लामो समयदेखि नेपाल आफ्नो भ्रमण सूचीमा रहेको बताएकी छन् ।
‘लामो समयदेखि मेरो इच्छा सूचीमा रहेको देश । नेपालमा पक्कै पनि एउटा आदिम ऊर्जा छ, जुन स्पष्ट र उत्साहपूर्ण छ’ घुमघामका फोटो सेयर गर्दै लाराले इन्स्टाग्राममा लेखेकी छिन्, ‘मेरो पहिलो नेपाल भ्रमण धेरै कुराको मिश्रण र गहिरो आध्यात्मिक यात्रा पनि हो ।’
क्लासिक डायमण्ड ज्वेलरीको सिजन ५ मा सहभागि हुन नेपाल आएकी दत्त उक्त फेसन शोमा शो स्टपरको रुपमा सहभागि भएकी थिइन् । सन् २००० की मिस युनिभर्स विजेता समेत रहेकी अभिनेत्री दत्त हाउसफूल, पार्टनर, भागम भाग, नो इन्ट्री, मस्तीजस्ता हिन्दी फिल्मका लागि परिचित छिन् ।
तस्वीर सौजन्य : क्लासिक डायमण्ड ज्वेलर्स
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4