२० फागुन, काठमाडौं । हृदयघात भएपछि नर्भिक अस्पताल भर्ना भएका पूर्वयुवराज पारस शाहलाई आईसीयूबाट क्याबिनमा सारिएको छ । उपचारमा संलग्न चिकित्सकका अनुसार अहिले उनको स्वास्थ्य अवस्था सुधारोन्मुख छ ।
‘अहिले आइसीयूबाट क्याबिनमा राखेर निगरानी गरिरहेका छौं । बिहीबारसम्म राखेर हेरेपछि कहिले डिस्चार्ज गर्न भन्ने निर्णय गर्न सकिन्छ,’ ती चिकित्सकले अनलाइनखबरसँग भने, ‘अहिले उहाँको स्वास्थ्य अवस्था सुधार उन्मुख छ ।’
शाहलाई आइतबार साँझ हृदयघात भएपछि नर्भिक अस्पताल पुर्याइएको थियो । चिकित्सकले तत्काल आवश्यक परीक्षणपछि तत्कालै कोरोनरी एन्जियोग्राम गरेको थिए । एन्जियोग्राममा उनको मुटुको धमनी पूर्ण रुपमा बन्द भएको पत्ता लगाएसँगै एन्जियोप्लाष्टी तथा स्टेन्ट प्रत्यारोपण गरि धमनी खुलाएका थिए ।
उपचारमा संलग्न चिकित्सका अनुसार चिकित्सकका अनुसार पारसलाई अहिले चौथो पटक हृदयघात भएको हो ।
राज परिवारमा हृदयघात वंशाणुगत समस्या रहेकाले पारसमा पनि हृदयघात हुनुमा बढी वंशाणुगत कुराले प्रभाव पारेको ती चिकित्सकले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4