२०८१ फागुन २१ गते १२:२६ 
२१ फागुन, काठमाडौं । अस्ट्रेलियाका ब्याटर स्टिभ स्मिथले एकदिवसीय अन्तर्राष्ट्रिय क्रिकेटबाट सन्यास लिएका छन् । उनले जारी आईसीसी च्याम्पियन्स ट्रफी क्रिकेटमा अस्ट्रेलियाको कप्तानी गरेका थिए ।
सेमिफाइनलमा भारतसँग पराजित हुँदै अस्ट्रेलिया च्याम्पियन्स ट्रफीबाट बाहिरिएको थियो । त्यसको भोलिपल्टै उनले यस्तो निर्णय लिएका हुन् ।
स्मिथले अस्ट्रेलियाका लागि १७० एकदिवसीय अन्तर्राष्ट्रिय क्रिकेट खेलेका छन् । सो क्रममा उनले १२ शतक र ३५ अर्धशतकसहित ५ हजार ८०० रन बनाएका छन् । २८ विकेट पनि लिएका छन् ।
उनले अस्ट्रेलियन टोलीबाट सन् २०१५ र सन् २०२३ को एकदिवसीय विश्वकप जितेका छन् । उनी मोडर्न डे क्रिकेटमा उत्कृष्ट ब्याटरहरूमध्येका एक हुन् ।
उनले टेस्ट र टी-२०आई खेल भने जारी राख्ने बताएका छन् ।
प्रतिक्रिया 4