२५ फागुन, विराटनगर । मोरङको मिक्लाजुङमा बाख्रा खोज्ने क्रममा करेन्ट लागेर युवतीको मृत्यु भएको छ ।
प्रहरीका अनुसार आइतबार करेन्ट लागेर मिक्लाजुङ गाउँपालिका–१ चित्रेकी १८ वर्षीया अनामिका राईको मृत्यु भएको हो ।
मोरङ प्रहरीका प्रवक्ता डीएसपी वेदप्रकाश जोशीका अनुसार चराउने क्रममा हराएका बाख्रा खोज्दै जाँदा बिजुलीको पोलछेउमा लडिरहेको देखेपछि तान्न लाग्दा युवतीलाई करेन्ट लागेको थियो ।
अनामिकालाई दिउँसो १ः३० बजेतिर करेन्ट लागेको र लागेर घटनास्थलमै ज्यान गएको प्रहरीले जनाएको छ ।
करेन्ट लागेपछि उनलाई जोगाउन हजुरबुवा धनवीर पनि पुगेका थिए । नातिनीलाई जोगाउन खोज्दा उनलाई पनि करेन्ट लागेको छ । उनको अवस्था भने सामान्य छ ।
प्रहरीका अनुसार राईको खेतबारी हुँदै लगिएको बिजुलीको पोलको ‘ब्यारेल’ भाँचिएर पोलबाट विद्युत ‘लिक’ भएको थियो । पोलबाट ‘लिक’ भएको करेन्टले बाख्रा मरेको थियो । सोही बाख्रालाई तान्ने क्रममा युवतीको पनि मृत्यु भएको हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4