+

महिनावारीका बेला बग्ने रगतबाट कडा गन्ध आउँछ ? हुनसक्छ यी कारण

२०८१ फागुन  २६ गते १३:०५ २०८१ फागुन २६ गते १३:०५
Shares
महिनावारीका बेला बग्ने रगतबाट कडा गन्ध आउँछ ? हुनसक्छ यी कारण

महिनावारीका बेला बग्ने रगतको पृथक गन्ध हुन्छ । तर कतिपय महिलामा महिनावारीको समयमा निस्कने रगतबाट यति धेरै गन्ध आउन थाल्छ कि, उनीहरूलाई लाज लाग्न थाल्छ । मानिसको वरिपरि उभिन र बस्न पनि निकै समस्या हुन्छ ।

महिनावारीको समयमा, योनिबाट असामान्य गन्धले चिडचिडाहट बनाउन पनि सक्छ । महिनावारीको रगतबाट गन्ध आउने धेरै कारण हुन सक्छ तर सबैभन्दा मुख्य कारण भनेको सरसफाइमा लापरबाही गर्नु हो ।

महिनावारीको समयमा सरसफाइमा ध्यान दिनु अत्यन्तै महत्वपूर्ण हुन्छ । यसबाहेक अन्य धेरै कारणहरूमा ध्यान दिनुपर्छ । अन्यथा, महिनावारीको समयमा दुर्गन्ध, संक्रमण लगायतका अन्य धेरै समस्याको सामना गर्नुपर्ने हुनसक्छ । महिनावारीकाे रगतको गन्ध आउने कारण थाहा भयो भने यसलाई नियन्त्रण गर्न सजिलो हुन्छ।

महिनावारीकाे रगत गन्ध आउनुका कारण

महिनावारीको समयमा हर्मोन परिवर्तन

महिनावारी चक्रको समयमा ईस्ट्रोजेन र प्रोजेस्टेरोन जस्ता हर्मेानको स्तरमा हुने परिवर्तनहरूले योनिको पिएच सन्तुलनलाई परिवर्तन गर्न सक्छ । जसको कारण महिनावारी रगतबाट गन्ध आउन सक्छ ।

ब्याक्टेरिया

महिनावारी चक्रमा, योनिबाट निस्कने रगत ब्याक्टेरियासँग सम्पर्कमा आउन सक्छ । ब्याक्टेरियाले रगतलाई टुक्राएर केही यौगिकहरू निष्काशन गर्दछन्, जसले रगतको गन्धयुक्त बनाउँछ । यो एक सामान्य प्राकृतिक प्रक्रिया हो । यद्यपि, यसले कहिलेकाहीँ कडा वा असामान्य गन्ध उत्पादन गर्न सक्छ ।

व्यक्तिगत सरसफाइलाई बेवास्ता गर्दा

स्वच्छता र राम्रो दिनचर्याले महिनावारी गन्ध नियन्त्रण गर्नसक्छ । महिनावारीको समयमा, पसिना, मृत कोशिकाहरू र ब्याक्टेरिया लामो समयसम्म योनिमा जम्मा हुन्छन्, जसले रगतको गन्धलाई खराब बनाउन सक्छ । नियमित नुहाउने, अन्डरवेयर सफा गर्ने र समय-समयमा प्याड परिवर्तन गरेर महिनावारीको गन्ध कम गर्न सकिन्छ ।

महिनावारीको गन्धबाट बच्ने उपाय

हाइड्रेटेड रहने

प्रशस्त मात्रामा पानी पिएर पूर्णतया हाइड्रेटेड रहनुले शरीरलाई राम्रोसँग काम गर्न र विषाक्त पदार्थलाई बाहिर निकाल्न मद्दत गर्दछ ।  डिहाइड्रेसनले महिनावारीको समयमा ‘एमोनिया’ जस्तो कडा गन्ध ल्याउन सक्छ, त्यसैले पर्याप्त मात्रामा पानी पिएर हाइड्रेसन कायम राख्नाले यसलाई कम गर्न मद्दत गर्छ ।

सन्तुलित आहार

भिटामिन, मिनरल्स र एन्टिअक्सिडेन्टले भरिपूर्ण खानाले स्वास्थ्यलाई सुधार्न मद्दत गर्छ साथै महिनावारीको समयमा आउने अप्रिय गन्धलाई पनि कम गर्छ ।

यी खानेकुराले महिनावारीको गन्ध कम गर्छ

-दही

-पूर्ण अन्न

-प्रोटिन

-ताजा फलफूल

-हरियो सागसब्जी र  तरकारीहरू

महिनावारीको समयमा गन्ध बढाउने खानेकुराहरू

-उच्च मात्रामा चिनी भएको खानेकुरा

-प्रशोधित, परिष्कृत र बोसोयुक्त खाना

-लसुन र प्याज जस्ता कडा गन्धयुक्त खाना

-रक्सी र चुरोट

स्वच्छताका लागि प्याडको विकल्पमा महिनावारी कप प्रयोग गर्ने

महिनावारी कपले योनिभित्र रगतलाई सङ्कलन गर्छ  र यसलाई हावाको सम्पर्कमा आउनबाट रोक्छ । जसले गर्दा रगत ब्याक्टेरियाको सम्पर्कमा आउँदैन र महिनावारीको गन्ध पनि सामान्य रहन्छ ।

महिनावारीमा स्वच्छता कायम राख्ने उपाय

यदि महिनावारीको रगतमा माछाजस्तै कडा गन्ध छ भने, यसको मतलब कपडा, प्याड वा ट्याम्पुन परिवर्तन गर्न आवश्यक छ । महिनावारीको समयमा दुर्गन्धबाट बच्न केही कुराहरूलाई ध्यानमा राख्नु धेरै महत्त्वपूर्ण हुन्छ ।

जस्तै-:
-रगत सोस्न सधैँ सफा र सुक्खा सुती कपडा, स्यानेटरी प्याड आदि उपयोग गर्ने।

-कपडा, प्याड वा ट्याम्पुन प्रत्येक ४ देखि ५ घण्टामा परिवर्तन गर्ने ।

-लामो समय पिसाब रोकेर नबस्ने ।

-प्रत्येक पटक शौचालय प्रयोग गरेपछि आफ्नो योनिलाई राम्ररी सफा गर्ने र टिस्युले सुकाउने ।

-धेरै पसिना आएको छ भने लुगा र अन्डरवेयर परिवर्तन गर्ने ।

-महिनावारीको समयमा शरीरलाई पर्याप्त आराम दिने ।

महिनावारी
डा. मीना प्रधान
लेखक
डा. मीना प्रधान
स्त्री तथा प्रसूतिरोग विशेषज्ञ

डा. प्रधान प्रसूति तथा स्त्रीरोग विशेषज्ञ हुन् । उनी काठमाडौंको  बसुन्धारास्थित कान्तिपुर डेन्टल अस्पतालमा कार्यरत छिन् । उनले प्रसूति तथा स्त्रीरोगमा एमडी गरेकी छन् । प्रधानको नेपाल मेडिकल काउन्सिल दर्ता नम्बर ६९५६ हो ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय