२६ फागुन, काठमाडौं । प्रधानमन्त्री केपी शर्मा ओलीले देशमा परिवर्तनको आवश्यकता महसुस गरेपछि आफू अध्ययन छोडेर राजनीतिमा लागेको बताएका छन् ।
नेपाल प्रज्ञा प्रतिष्ठानका पूर्वकुलपति गंगाप्रसाद उप्रेतीको आत्मवृतान्त ‘मेरा अतीतका कथाहरू’ लोकार्पण गर्दै प्रधानमन्त्रीले देशमा परिवर्तन र जनताको सेवा गर्ने हुटहुटीले आफूलाई राजनीतिमा पुर्याएको बताए ।
मकालु प्रकाशनद्वारा प्रकाशित सो पुस्तक लोकार्पण गर्दै प्रधानमन्त्री ओलीले उप्रेतीको आत्मवृतान्त नयाँ पुस्तालाई जागरणका लागि उपयोगी हुने विश्वास व्यक्त गरे ।
साहित्यकार उप्रेती जस्तोसुकै परिस्थितिमा पनि देश र परिवर्तनप्रति खुलस्त रूपमा निष्ठापूर्ण रूपमा लागेका व्यक्ति भएको भन्दै प्रधानमन्त्रीले उनी आफ्ना पुख्यौली थलोका छिमेकी र राजनीतिक जीवनका जेल सहयात्रीसमेत भएको चर्चा गरे ।
पुस्तकबारे प्रज्ञा प्रतिष्ठानका पूर्वकुलपति वैरागी काइँला, पूर्वसदस्यसचिव प्रा. जगतप्रसाद उपाध्याय, नेपाली शिक्षा परिषद्का अध्यक्ष रमा शर्मालगायतले समीक्षा गरेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4