+
+
Shares

इन्डो-प्यासिफिक क्षेत्रको दौडमा अमेरिकी खुफिया प्रमुख गबार्ड

अनलाइनखबर अनलाइनखबर
२०८१ फागुन २७ गते १३:३२

२७ फागुन, काठमाडौं । अमेरिकी गुप्तचर विभागकी निर्देशक तुलसी गबार्ड इन्डो-प्यासिफिक क्षेत्रको भ्रमणमा निस्कने भएकी छन् ।

सोमबार आफ्नो भ्रमण बारे जानकारी दिँदै गबार्डले इन्डो-प्यासिफिक क्षेत्रका देशहरूको भ्रमणमा निस्किएको बताइन् । यो यात्रामा उनले जापान, थाइल्याण्ड र भारत भ्रमण गर्नेछिन् ।

गबार्डको भारत भ्रमण प्रधानमन्त्री नरेन्द्र मोदीको फेब्रुअरीमा भएको अमेरिकाको भ्रमणपछि हुन लागेको हो। उक्त भ्रमणका क्रममा प्रधानमन्त्री मोदीले गबार्डसँग भेटवार्ता गरेका थिए ।

गबार्डले आफ्नो भ्रमणको सुरुवात प्रशान्त महासागरस्थित अमेरिकी द्वीप हवाईको राजधानी होनोलुलुबाट गरेकी छन्। त्यहाँ उनले गुप्तचर विभागका सदस्यहरू, इन्डो-प्यासिफिक कमान्डका नेताहरू र प्रशिक्षण लिइरहेका सैनिकहरूसँग भेटवार्ता गर्नेछिन् ।

को हुन् गबार्ड ?

अमेरिकी राष्ट्रपति डोनाल्ड ट्रम्पले राष्ट्रिय गुप्तचर विभागको प्रमुखमा पूर्वसांसद गबार्डलाई नियुक्त गरेका थिए ।

४३ वर्षीया गबार्डलाई जिम्मेवारी दिँदै डोनाल्ड ट्रम्पले भनेका थिए, ‘कांग्रेसकी पूर्व महिला सदस्य लेफ्टिनेन्ट कर्नेल तुलसी गबार्डले राष्ट्रिय गुप्तचर (डीएनआई) निर्देशकको रूपमा काम गर्ने छन् भन्ने घोषणा गर्न पाउँदा म खुसी छु ।’

होमल्याण्ड सेक्युरिटी कमिटीमा पनि दुई वर्षभन्दा बढी काम गरिसकेकी उनी एक दशकअघि लेफ्टिनेन्ट कर्नेल बनेर इराक युद्ध लडिसकेकी छन् ।

डेमोक्रेटिक पार्टीबाट ४ पटक सांसद भइसकेकी तुलसी यसअघि बाइडेनको डेमोक्रेटिक पार्टीकी नेता थिइन् । उनी अमेरिकी संसदमा प्रतिनिधित्व गर्ने पहिलो हिन्दु सांसद पनि हुन् ।

दुई वर्ष पहिला डेमोक्रेटिक पार्टी छाडेर रिपब्लिकन पार्टी प्रवेश गर्नेक्रममा गबार्डले डेमोक्रेटिक पार्टी अभिजात वर्गको कब्जामा गइसकेको गम्भीर आरोप लगाएकी थिइन् ।

उनले डेमोक्रेटिक पार्टीले इस्लाम चरमपन्थलाई रोक्न नसकेको आरोप समेत लगाएकी थिइन् । गबार्ड सन् २०१६ मा डेमोक्रेटिक पार्टीबाट राष्ट्रपति उम्मेदवार बनेकी थिइन् । पछि उनले हिलारी क्लिन्टको सट्टा बर्नी स्यान्डर्सलाई समर्थन गरेकी थिइन् ।

सन् २०२० मा पनि राष्ट्रपति पदका लागि डेमोक्रेटिक प्राइमरीको प्रतिस्पर्धामा सहभागी भइन् । पछि उनले बाइडेनलाई साथ दिइन् । सन् २०२२ पछि पार्टी छाडेपछि उनी फक्स न्यूजमा जोडिइन् । उनी कैयौं टेलिभिजन सोमा कार्यक्रम सञ्चालक समेत बनिन् ।

सन् २०२२ को चुनावमा रिपब्लिकन उम्मेदवारको पक्षमा प्रचार प्रसारमा सहभागी भएकी थिइन् । अमेरिकी संसदमा रहँदा ओबामा र बाइडेन प्रशासनको निकै आलोचना गरेकी थिइन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?