२७ फागुन, काठमाडौं । नेपाली कांग्रेसका सांसद अर्जुननरसिंह केसीले शिक्षकहरूको आन्दोलनको अनादर गरेको भन्दै सरकारको आलोचना गरेका छन् ।
प्रतिनिधिसभाको आजको बैठकको आकस्मिक समयमा बोल्दै सांसद केसीले विगतमा भएका सहमति सरकारले कार्यान्वयन नगर्दा अहिले पनि शिक्षकहरू आन्दोलन गर्न बाध्य भएको बताए ।
‘लाखौं–लाख शिक्षकहरूको प्रतिनिधित्व गर्ने नेपाल शिक्षक महासंघ अहिले आन्दोलनमा छ । सरकार निरन्तर सम्झौता गर्ने र अवहेलना गर्ने कार्य गरिरहेको छ । यो खेदजनक मात्र होइन, निन्दनीय छ,’ सांसद केसीले भने ।
उनले शिक्षक महासंघसँग भएको सहमतिको अनादर गर्नु दुःखद मात्र नभई निन्दनीय रहेको भन्दै तत्काल सहमतिको वातावरण बनाउन र सम्झौता कार्यान्वयन गर्न सरकारको ध्यानाकर्षण गराए ।
‘सरकारले पटकपटक गरेको प्रतिबद्धता पालना गर्दै शिक्षकहरूसँग तत्कालै वातावरण निर्माण गरोस् र वार्ता तथा संवादबाट समस्याको समाधान खोजोस्,’ उनले भने ।
सांसद केसीले विद्यालय शिक्षा ऐन जारी गर्न तथा एउटै विद्यालयमा १७/१८ थरिका शिक्षक रहेको अवस्था अन्त्यका लागि एकीकृत गर्ने काममा लाग्न पनि सरकारको ध्यानाकर्षण गराए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4