२७ फागुन, काठमाडौं । एक दशकपछि साधारणसभा संचालन गर्न लागेको विशाल बजार कम्पनीलाई उच्च अदालत पाटनले रोकिदिएको छ ।
किशोर लोहियाले कम्पनीलाई विपक्षी बनाउँदै हालेको मुद्दामा उच्च अदालत पाटनले साधारणसभा रोक्न आदेश दिएको हो । कम्पनीले भोलि फागुन २८ गतेका लागि साधारणसभा बोलाएको थियो ।
कम्पनीले सेयरधनीको लगानीको मूल्यांकन नगरी आफूहरुलाई अलग राखेर साधारणसभा सञ्चालन गर्न लागेको भन्दै निवेदकले उपयुक्त आदेश जारी गरी पाउँ भन्दै मुद्दा दायर गरेका थिए ।
साथै अदालतले कम्पनीसँग यस विषयमा आधिकारिक जानकारी माग गरेको छ । निवेदकको माग बमोजिम किन आदेश जारी हुनु नपर्ने हो ? आधार, कारण र प्रमाण भए सो समेत खुलाएर बाटाका म्याद बाहेक १५ दिनभित्र आफै वा आफ्नो कानुन बमोजिमको प्रतिनिधिमार्फत लिखित जवाफ लिई अदालतमा उपस्थित हुन कम्पनीलाई भनिएको छ ।
कम्पनीले १४ चैत २०७० मा आर्थिक वर्ष २०६९र७० सम्मको ३३औं वार्षिक साधारणसभा सफल रूपमा सम्पन्न गरेको थियो । त्यसपछि ३४औं साधारणसभा सेयरधनीको लफडापछि रोकियो । त्यसयता साधारणसभा हुन सकेको छैन ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4