+
+
Shares

गुल्मीमा फेला परेको शवको पहिचान खुल्यो

सामतको शव गुल्मीको मदाने गाउँपालिका वडानम्बर-४ झार्कीसल्ला भन्ने स्थानको ढोरपाटन सडकको करिब ३ सय मिटर तल फेला परेको थियो ।

अनलाइनखबर अनलाइनखबर
२०८१ फागुन २८ गते १२:३७

२८ फागुन, गुल्मी । गुल्मीको मदानेमा बेवारिसे अवस्थामा फेला परेको शवको पहिचान खुलेको छ ।

प्यूठान जिल्ला झिमरुक गाउँपालिका वडानम्बर-२ बाँदीकोट बस्ने २५ वर्षको प्रकाश सामत रहेको जिल्ला प्रहरी कार्यालय गुल्मीका प्रहरी नायब उपरीक्षक (डीएसपी) चिरञ्जीवी दाहालले बताए ।

सामतको शव गुल्मीको मदाने गाउँपालिका वडानम्बर-४ झार्कीसल्ला भन्ने स्थानको ढोरपाटन सडकको करिब ३ सय मिटर तल फेला परेको थियो ।

बेवारिसे अवस्थामा शव फेला परेपछि प्रहरीले पहिचानका लागि सबै तिर खबर गरेको थियो ।

खबर गरेलगत्तै मृतक सामतको परिवार सम्पर्कमा आएको डीएसपी दाहालले बताए । मृतक सामत १४ फागुन रातिदेखि परिवारको सम्पर्कमा नरहेको प्रहरीले जनाएको छ ।

के कारणले मृत्यु भएको भन्ने बारेमा खुलेको छैन । घटनाबारे थप अनुसन्धानका लागि इलाका प्रहरी कार्यालय पुर्कोटदहबाट प्रहरी निरीक्षक दिपक केसीको कमान्डमा प्रहरी खटिएको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?