२०८१ फागुन २८ गते २१:२६ 
२८ फागुन, काठमाडौं । सरस्वती युथ क्लबले सहिद स्मारक बी डिभिजन लिगमा विजयी सुरुवात गरेको छ । सातदोबाटोस्थित एन्फा कम्प्लेक्स मैदानमा बुधबार भएको दोस्रो खेलमा कोटेश्वरको सरस्वतीले बाँसबारी क्लबलाई २–१ गोलले पराजित गरेको हो ।
सरस्वतीको जितमा सबिन लुङ्गेलीमगर र धिरेन्द्र बहादुर शाहले गोल गरे । बाँसबारीका बिके राईले एक गोल फर्काए । सरस्वतीका लागि सबिनले ३३औं मिनेटमा गोल गरी अग्रता दिलाएका थिए भने धिरेन्द्रले ५१औं मिनेटमा अग्रता दोब्बर पारे । बाँसबारीका बिकेले दोस्रो हाफको इन्जुरी टाइममा सान्त्वना गोल फर्काए ।
पहिलो खेलमै जित हात पारेको सरस्वतीले ३ अंक जोडेर लिग सुरुवात गरेको छ । बाँसबारीले हारबाट लिगको सुरुवात गरेको छ ।
आजको दुई खेलपछि लिगको पहिलो चरणका ७ खेल सम्पन्न भएका छन् । पहिलो चरणमा सरस्वती युथसँगै ब्रिगेड ब्वाइज क्लब, प्लानिङ ब्वाइज युनाइटेड र श्री भगवती क्लबले जित हात पारेका थिए । तीन खेल भने बराबरीमा सकिएको थियो ।
अब दोस्रो चरणका खेलहरु चैत ४ गतेदेखि सुरु हुने अखिल नेपाल फुटबल संघ (एन्फा) ले जनाएको छ ।
पहिलो राउण्डका नतिजा
अंकतालिका
प्रतिक्रिया 4