२०८१ फागुन २९ गते १३:०७ 
२९ फागुन, काठमाडौं । लुम्बिनी प्रदेशमा जारी प्रधानमन्त्री कप पुरूष राष्ट्रिय क्रिकेट प्रतियोगितामा आज तीन खेलहरू भइरहेका छन् । जसअन्तर्गत देउखुरी क्रिकेट रंगशालामा एपीएफ र मधेश प्रदेशबीच खेल भइरहेको छ ।
जारी खेलमा टस जितेर पहिले ब्याटिङ गरेको मधेश प्रदेश ४०.४ ओभरमा १६८ रनमा अलआउट भएको छ । पवन सर्राफले सर्वाधिक ७७ रन बनाउनुबाहेक अन्यबाट सुदृढ ब्याटिङ हुन सकेन ।
कप्तान अनिल साहले १७, मयन यादवले ११ तथा रुपेश सिंह र प्रदिप पासवानले समान १० रन बनाए । अन्यले दोहोरो अंक छुनै सकेनन् ।
एपीएफका लागि कमलसिंह ऐरीले ९ ओभरमा ५५ रन दिएर ४ विकेट लिए । भुवन कार्की र रोहित पौडेलले २-२ तथा अभिषेक गौतमले १ विकेट लिए ।
एपीएफले पहिलो खेलमा बागमती प्रदेशलाई हराएको थियो । मधेशले पहिलो खेलमा कोशीलाई हराएको थियो ।
प्रतिक्रिया 4