काठमाडौं । अभिनेत्री करिश्मा मानन्धरले वर्षेनी गोदावरीस्थित घरमा फागु पर्वको अवसरमा कलाकारको होली आयोजना गर्छिन् । यसवर्ष पनि विहिबार करिश्मा निवासमा कलाकारले जमेरै होली खेले ।
चलचित्र विकास बोर्डका अध्यक्ष दिनेश डीसी, कलाकारहरू दीपकराज गिरी, दीपाश्री निरौला, निखिल उप्रेती, संचिता लुइँटेल, सरोज खनाल, युवराज चौलागाईं लगायतका कलाकारले एकापसमा रङ दलेर फागु पर्व मनाए । नाचगान गर्दै रमाइलो पनि गरे ।
करिश्माले आफू निकट कलाकार र संचारकर्मीलाई निवासमा बोलाएकी थिइन् । घरको पुननिर्माणपछि पहिलोपटक करिश्माले होली आयोजना गरेकी हुन् । मानन्धर निवासमा वर्षेनी हुने होली समारोह फिल्मकर्मीको लागि विशेष हुनेगर्छ ।
विहिबारै अन्य कलाकर्मी, फिल्मले पनि होली समारोह आयोजना गरे । मिडियाले समेत आयोजना गरेको होली कार्यक्रममा प्रस्तुति दिन कलाकारलाई भ्याइनभ्याइ छ । प्रकाश सपुत, शान्तरानी परियार, खेम सेन्चुरी लगायतले रेडियो कान्तिपुरले आयोजना गरेको कार्यक्रममा प्रस्तुति दिए ।
फिल्म ‘पिताम्बर’ले समेत होली विशेष कार्यक्रम आयोजना गर्यो जहाँ कलाकार प्रदीप खड्का, सुपुष्पा भट्ट लगायतले सद्भावको पर्व मनाए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4