चुनौतीबीच क्यानाडा सम्हाल्दै मार्क कोर्नी

१ चैत, ओटावा । क्यानाडाका नवनिर्वाचित प्रधानमन्त्री मार्क कोर्नी शपथ ग्रहणको तयारीमा छन् । तर, उनको कार्यकाल निकै चुनौतीले भरिएको हुने विश्लेषण गर्न थालिएको छ ।

विशेषतः संयुक्त राज्य अमेरिकासँगको बिग्रँदो सम्बन्ध नै उनको सबैभन्दा ठूलो चुनौती रहेको विश्लेषकहरूको भनाइ छ ।

अमेरिकी राष्ट्रपति डोनाल्ड ट्रम्पले व्यापक आयात भन्सार शुल्क लगाउँदै र क्यानाडालाई संयुक्त राज्य अमेरिकाको ५१औँ राज्यका रूपमा गाभ्ने बारम्बार धम्की दिँदै गर्दा उनी कार्यालयमा प्रवेश गर्दै छन् ।

एक दशक सत्तामा रहेपछि घट्दो समर्थनका बीच जस्टिन ट्रुडोले जनवरीमा राजीनाको घोषणा गरेका थिए । सत्तारूढ लिबरल पार्टीले ट्रुडोको स्थानमा पूर्वगभर्नर कार्नीलाई व्यापक समर्थन दिएको छ ।

उक्त समर्थनले ऐतिहासिक संकटबीच दुई केन्द्रीय बैंकको नेतृत्व गरेका कार्नीको अनुभवले सम्भावित विनाशकारी व्यापार युद्धको सामना गरिरहेको क्यानाडालाई दिशानिर्देश गर्ने आशा लिबरल पार्टीले आशा गरेको छ ।

तर, कहिल्यै सार्वजनिक पदमा निर्वाचित नभएका ५९ वर्षीय कार्नीले ‘निर्बाध र द्रुत’ परिवर्तनको वाचा गरेका छन् ।

उनले बुधबार थप आर्थिक द्वन्द्वबाट बच्न नयाँ व्यापार व्यापार सम्झौताका लागि वार्ता गर्न ट्रम्पसँग संवादमा बस्न तयार भएको बताएका छन् ।

संयुक्त राज्य अमेरिकामा इस्पात र एल्युमिनियम आयातमा २५ प्रतिशत कर यस साता लागू भएको छ । क्यानाडाले अमेरिकी सामानहरूमा प्रतिशोधात्मक कर लगाएर जवाफ दिएको छ । त्यसबाट थप आक्रामक बनेका ट्रम्पले आयातमा ५० प्रतिशत सम्म कर पुर्‍याउने धम्की दिएका थिए । भलै ट्रम्प उक्त धम्कीबाट पछि हटेका छन् ।

सन् २००८–२००९ को वित्तीय संकटको समयमा बैंक अफ क्यानाडा र ब्रेक्जिट मतको वरिपरि अनिश्चितताको बीचमा बैंक अफ इङ्गल्यान्ड दुवैको गभर्नरको रूपमा सेवा गरेपछि कार्नी गोल्डम्यान स्याक्समा एक इन्भेस्टमेन्ट बैंकर थिए ।

(एजेन्सीको सहयोगमा)