२०८१ चैत ३ गते ११:१८ 
३ चैत, काठमाडौं । बिपिन महतोले धातक बलिङ गर्दै ६ विकेट लिएपछि प्रधानमन्त्री कप पुरूष राष्ट्रिय क्रिकेट प्रतियोगितामा गण्डकी प्रदेश ३१ रनमै अलआउट भएको छ ।
एक्स्ट्राटेक ओभल मैदानमा भइरहेको खेलमा टस जितेर पहिले ब्याटिङ गरेको गण्डकी लज्जासपद ब्याटिङ गर्दा जारी प्रतियोगितामा सबैभन्दा कम स्कोरमा अलआउट भयो ।
कोशीका बिपिनको बलिङ सामु गण्डकीका ब्याटर फिक्का देखिए । गण्डकीलाई ३१ रनमै अलआउट गर्न बिपिन महतोले ८ ओभरमा १७ रन दिएर ६ विकेट लिए । फिर्दोश अन्सारीले ३ तथा दिपेश कँडेलले १-१ विकेट लिए ।
गण्डकीका कुनैपनि ब्याटरले दोहोरो अंकमा रन जोड्न सकेनन् भने ४ ब्याटर शुन्यमै आउट भए । अर्जुन कुमालले बनाएको ९ रनमै व्यक्तिगत उच्च रह्यो भने सुजन गौतम ६ रनमा अविजित रहे ।
यस प्रतियोगितामा हालसम्म चार खेल खेल्दा सबै कोशीमा सबैमा पराजित भएको थियो । आजको खेलमा भने कोशीले उत्कृष्ट बलिङ गर्दै पहिलो जितको आधार तयार पारेको छ ।
प्रतिक्रिया 4