३ चैत, काठमाडौं । पौने तीन करोड रुपैयाँ बराबरका भन्सार छलीका विभिन्न सामानसहित प्रहरीले तीन जनालाई पक्राउ गरेको छ ।
पक्राउ पर्नेहरुमा काभ्रेका ३१ वर्षीय कृष्ण गोपाल श्रेष्ठ, दोलखाका ६१ वर्षीय हरिबहादुर श्रेष्ठ र नुवाकोटका ४२ वर्षीय पुरुषोत्तम कोइराला छन् । उनीहरुलाई प्रहरी वृत्त स्वयम्भूको टोलीले १ चैतमा पक्राउ गरेको हो । उनीहरुबाट २ करोड ७५ लाख ११ हजार ४९८ रुपैयाँ बराबरका सामानहरु बरामद भएको जिल्ला प्रहरी परिसर काठमाडौंका एसपी तथा प्रवक्ता अपिलराज बोहोराले बताए ।
भन्सार छलेर विभिन्न औषध तथा कपडाहरु ल्याएको सूचना पाएपछि प्रहरी टोली परिचालित भएको थियो । बा ५ ख ७३१४ नम्बरको गाडीबाट उक्त सामानहरु बरामद भएका हुन् ।
पक्राउ परेकाहरुलाई कारबाहीका लागि राजश्व अनुसन्धान विभाग हरिहर भवन ललितपुर पठाइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
भर्खरै
पुराना
लोकप्रिय
Hot Properties
सम्बन्धित खबर
ट्रेन्डिङ
Advertisment
प्रतिक्रिया 4