२०८१ चैत ३ गते १८:१२ 
३ चैत, काठमाडौं । एपीएफ क्लबले २०औं महिला राष्ट्रिय कबड्डी प्रतियोगिताको उपाधि जितेको छ ।
त्रिपुरेश्वरस्थित राखेप कभर्डहलमा आइतबार भएको फाइनलमा विभागीय टोली नेपाली सेनालाई हराएर एपीएफ च्याम्पियन बनेको हो ।
निकै प्रतिस्पर्धात्मक बनेको खेलमा एपीएफले पुनरागमन गर्दै सेनालाई २८-२२ को अन्तरले हराएको हो ।
प्रतियोगितामा अर्को विभागीय टोली नेपाल प्रहरी र सुदूरपश्चिम प्रदेश तेश्रो भए ।
उपाधि विजेता एपीएफले २ लाख र उपविजेता नेपाली सेनाले १ लाख हात पारेको छ । यस्तै सेमिफाइनलिस्ट पुलिस र सुदूरले ५०-५० हजार पायो ।
प्रतियोगितामा नेपाल प्रहरीकी मानमति विष्ट उत्कृष्ट रेडर घोषित भइन् भने एपीएफकी जयन्ती बडू उत्कृष्ट डिफेन्डर चयन भइन् । दुवैले ४० इन्चको टीभी पुरस्कार पाए ।
अखिल नेपाल कबड्डी संघको आयोजनामा भएको तीनदिने प्रतियोगितामा ७ प्रदेश र ३ विभागीय गरी १० टिम सहभागी थिए ।
प्रतिक्रिया 4