२०८१ चैत ५ गते १२:३५ 
५ चैत, काठमाडौं । इशान पाण्डे, शुभ कंसाकार र बिपिनआचार्यले अर्धशतक बनाएपछि प्रधानमन्त्री कप पुरूष राष्ट्रिय क्रिकेट प्रतियोगितामा बागमती प्रदेशले गण्डकी प्रदेशलाई बलियो लक्ष्य प्रस्तुत गरेको छ ।
सिद्धार्थ क्रिकेट रंगशालामा टस हारेर पहिले ब्याटिङको निम्तो पाएको बागमतीले ५० ओभरमा ८ विकेट गुमाएर २८८ रन बनाएको हो । इशान पाण्डेले सर्वाधिक ६९ रन बनाए भने बिपिन ६३ रनमा अविजित रहे । शुभ कंसाकारले ५२ रन बनाए ।
२११ रन बनाउँदा ८ विकेट गुमाएको बागमतीका लागि बिपिनले रिजन ढकालसँग मिलेर अविजित ७८ रनको साझेदारी गर्दै बलियो योगफलमा पुर्याएका हुन् ।
बिबेक मगरले ३४ रन बनाउँदा रिजन ढकाल २३ रनमा अविजित रहे । गण्डकीका लागि अर्जुन कुमालले ७ ओभरमा ४० रन दिएर ४ विकेट लिए । कप्तान बिपिन खत्री र सुबास भण्डारीले २-२ विकेट लिए ।
बागमती र गण्डकी दुवैले हालसम्म ४ खेल खेल्दा १ जित मात्र निकालेका छन् ।
प्रतिक्रिया 4