+

साफ यू-१९ च्याम्पियनसिप : नेपालको पहिलो खेल श्रीलंकासँग

२०८१ चैत  ५ गते १८:०८ २०८१ चैत ५ गते १८:०८
साफ यू-१९ च्याम्पियनसिप : नेपालको पहिलो खेल श्रीलंकासँग

५ चैत, काठमाडौं । आगामी मे मा भारतमा हुने साफ यु–१९ च्याम्पियनसिपमा नेपालले आफ्नो पहिलो खेलमा श्रीलंकासँग खेल्ने भएको छ ।

आयोजक दक्षिण एसियाली फुटबल महासंघ (साफ) ले मंगलबार खेल तालिका सार्वजनिक गरेको हो । च्याम्पियनसिप आगामी मे ९ देखि १८ सम्म अरुणाञ्चल प्रदेशमा हुनेछ ।

सार्वजनिक खेलतालिका अनुसार समूह बी मा रहेको नेपालले श्रीलंकासँग पहिलो खेल मे ११ मा खेल्नेछ । त्यसपछि नेपालले घरेलु टोली भारतसँग मे १३ मा खेल्ने तालिका छ ।

च्याम्पियनसिपका सबै खेलहरु गोल्डेन जुब्ली रंगशालामा हुनेछ । च्याम्पियनसिपमा दक्षिण एसियाको पाकिस्तान बाहेक ६ टोली सहभागी छन् । सहभागी टोलीलाई दुई समूहमा विभाजन गरिएको छ ।

समूह ए मा रहेको माल्दिभ्स र बंगलादेशबीच मे ९ मा उद्घाटन खेल हुनेछ । यी दुईसहित भुटान पनि समूह ए मा छ ।

समूह चरणको खेलपछि दुवै समूहको शीर्ष दुई टोली सेमिफाइनलमा प्रवेश गर्नेछन् ।

साफ यू-१९ च्याम्पियनसिप

धेरै कमेन्ट गरिएका

लेखक
अनलाइनखबर
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय