२०८१ चैत ५ गते २१:३० 
५ चैत, काठमाडौं । युगाण्डामा सम्पन्न चार देश सम्मिलित वुमन्स डे कपमा सहभागी भएर नेपाली महिला क्रिकेट टोली स्वदेश फर्कँदै छन् । नेपालका लागि प्रस्थान गरिसकेका उनीहरू बुधबार विहान नेपाल आइपुग्ने छन् ।
चार देश सम्मिलित प्रतियोगितामा नेपाल चौथो भएको थियो । समूह चरणमा २ खेल जितेको नेपाल तेस्रो स्थानको खेल रद्द हुँदा अंकतालिकाका आधारमा चौथो भएको हो ।
समूह चरणका ६ खेलमध्ये २ खेल मात्र जितेको नेपालको ४ अंक थियो । तेस्रो स्थानमा रहेको हङकङको ६ अंक थियो । यी दुई टोलीबीच तेस्रो स्थानका लागि छुट्टै अर्को खेल हुने तालिका थियो तर वर्षाका कारण खेल रद्द भएको हो ।
नेपालले डबल राउण्ड रोबिनका आधारमा खेलिएको समूह चरणमा युगाण्डा र हङकङलाई एक-एकपटक हराएको थियो भने त्यही टोलीसँग पराजित हुँदा नामिबयासँग २ पटक नै पराजित भएको थियो ।
यस वुमन्स डे कपको उपाधि घरेलु टोली युगाण्डाले जितेको थियो । फाइनलमा युगाण्डाले नामिबियालाई हराएको थियो । समूह चरणमा युगाण्डाले ६ खेलमा ८ अंक जोड्दा नामिबियाले ६ खेलमा ६ अंक जोड्दै दोस्रो भएको थियो ।
नेपाली टोली यसअघि घरेलु मैदानमै भएको थाइल्याण्ड र नेदरल्याण्ड्ससँगको त्रिदेशीय शृंखलामा जितविहीन बनेको थियो । अब अप्रिलमा नेपाली टोली भुटानमा गएर खेल्ने तय छ ।
प्रतिक्रिया 4