२०८१ चैत ६ गते १२:५७ 
६ चैत, काठमाडौं । भीम सार्कीको अर्धशतकमा त्रिभुवन आर्मी क्लबले प्रधानमन्त्री कप पुरूष राष्ट्रिय क्रिकेट प्रतियोगितामा मधेश प्रदेशलाई मध्यम लक्ष्य दिएको छ ।
देउखुरीमा टस जितेर पहिले ब्याटिङ गरेको आर्मीले ५० ओभरमा ७ विकेट गुमाएर २१७ रन बनाएको हो । भीम सार्कीले सर्वाधिक ८९ रन बनाए । पवन सर्राफको बलमा एलबीडब्लुमा फसेका उनी शतकबाट ११ रनले चुके ।
सन्तोष कार्कीले ३३ तथा कुशल मल्लले अविजित २४ रन बनाए । बिबेक यादवले १६, तृतराज दासले १४ तथा कप्तान विनोद भण्डारीले ११, बसिर अहमदले १० रन बनाए ।
मधेशका लागि कमल गुप्ताले १० ओभरमा २२ रन दिएर २ विकेट लिए । रुपेश सिंह र पवन सर्राफले २-२ तथा रन्जित कुमारले १ विकेट लिए ।
आर्मी यस प्रतियोगितामा५ खेल खेल्दा अपराजित रहेको छ भने मधेशले ४ खेलमा १ जित मात्र निकालेको छ ।
प्रतिक्रिया 4