६ चैत, काठमाडौं । बाँसबारीस्थित विश्वशान्ति चिरण–मिलन क्याम्पसले तामाङ समुदायका विद्यार्थीलाई पत्रकारिता विषय पढ्न छात्रवृत्ति दिने भएको छ ।बुधबार तामाङ पत्रकार संघ काठमाडौं र क्याम्पसबीच यसबारे सम्झौता भएको हो ।
सम्झौताअनुसार स्नातक तहमा पत्रकारिता विषय अध्ययन गर्ने तामाङ समुदायका विद्यार्थीले छात्रवृत्ति पाउने तामाङ पत्रकार संघ काठमाडौंका अध्यक्ष हिरोज लोप्चनले जानकारी दिए ।
लोप्चनका अनुसार छात्रवृत्तिबापत विद्यार्थीको शुल्कमा क्याम्पसले ७५ प्रतिशत छुट गर्ने सम्झौता भएको छ । कलेजमा भर्ना भई पत्रकारिता विषय अध्ययन् गर्ने सबै तामाङ विद्यार्थीले छात्रवृत्ति पाउने लोप्चनले बताए ।
त्यसका लागि तामाङ पत्रकार संघ जिल्ला शाखा काठमाडौंले सिफारिस गर्नुपर्नेछ । सम्झौता आगामी शैक्षिक शत्रबाट लागू हुने क्याम्पस प्रमुख नेत्रप्रसाद न्यौपानेले जानकारी दिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4