काठमाडौं । शुक्रबारदेखि नेपालका हलमा ३ नयाँ फिल्म प्रदर्शनमा आउँदैछन् । जसमध्ये क्राइम थ्रीलर ‘११ः५५’ले देशब्यापी ६० शो पाएको छ । सोसल ड्रामा ‘द्रौपदी’ शुक्रबारको लागि ४५ शोसहित प्रदर्शन हुँदैछ ।
हलिउड फिल्म ‘स्नो ह्वाइट’ले ४० शो पाएको छ । शुक्रबारको लागि ‘अञ्जिला’ले १४० शो, ‘होस्टेल ३’ले ५५, ‘आउट ल’ले ५५ र ‘राजागंज’ले १७ शो पाएका छन् ।
भोलिदेखि सुरु हुने नयाँ सप्ताहन्तमा सबैभन्दा धेरै शो मिलन चाम्स निर्देशित ‘अञ्जिला’को कब्जामा हुनेछ । १४० शोसहित एन्जिला तुम्बापो सुब्बाको फिल्म प्रदर्शनरत हुनेछ । अहिले पनि सर्वाधिक शो यही फिल्मको नाममा छ ।
दोस्रो सातामा पनि ‘अञ्जिला’ले प्राप्त गरेको शो संख्या उत्साहजनक हो ।
शुक्रबारदेखि लाग्ने दुई नेपाली फिल्म ‘११ः५५’ र ‘द्रौपदी’ले प्राप्त गरेको शो संख्यालाई उपलब्धिमूलक बनाउन सकारात्मक ‘वर्ड अफ माउथ’को मद्दतमा अकुपेन्सी सिर्जना गर्नुपर्ने देखिन्छ ।
अहिले पनि नेपालका हलमा हलिउडको ‘मिकी १७’, नेपालको ‘लाज शरणम्’ र बलिउडको ‘छावा’ पनि प्रदर्शनरत छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4