७ चैत, काठमाडौं । नेपाली कांग्रेसका सभापति एवं पूर्वप्रधानमन्त्री शेरबहादुर देउवाले स्वस्थ रहनका लागि खेलकुद आवश्यक रहेको बताएका छन् ।
बिहीबार पार्टी केन्द्रीय कार्यालयमा पार्टीको खेलकुद विभागद्वारा आयोजित कार्यक्रमलाई सम्बोधन गर्दै देउवाले यस्तो बताएका हुन् ।
‘खेलकुद क्षेत्र राष्ट्रकै लागि महत्त्वपूर्ण छ । यसलाई हाम्रो पार्टीले अझ अगाडि बढाउनेछ । स्वस्थ शरीरले मात्रै स्वस्थ मन र मानसिकता तयार पार्दछ । त्यसैले स्वस्थ शरीर आवश्यक छ,’ देउवाले भने ।
खेलकुद क्षेत्रलाई कांग्रेसले अझै अघि बढाउनुपर्ने बताउँदै उनले खेलकुद क्षेत्र राष्ट्रकै लागि महत्त्वपूर्ण रहेको बताए ।
‘स्वस्थ रहनका लागि खेलकुदको आवश्यक छ । खेलकुदले स्वस्थ राख्नुका साथै दिमाग र मानसिकता ताजा बनाइरहन्छ । यस्ता कार्यक्रमले खेलाडीहरूको मनोबल बढाउँछ, खेलकुद क्षेत्रमा महत्त्वपूर्ण योगदान दिनेछ,’ देउवाले भने ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4