२०८१ चैत ८ गते ११:१७ 
८ चैत, काठमाडौं । शाहब आलमले पाँच विकेट लिएपछि गण्डकी प्रदेश प्रधानमन्त्री कप पुरुष राष्ट्रिय क्रिकेट प्रतियोगितामा त्रिभुवन आर्मी क्लबविरुद्ध सामान्य योगफलमा रोकिएको छ ।
देउखुरीमा टस हारेर पहिले ब्याटिङको निम्तो पाएको गण्डकीले ३०.३ ओभरमा अलआउट हुँदै ११६ रन बनाएको छ । अर्जुन कुमालले ३३ रन बनाए । दीपक डुम्रेले १९ तथा कमल परियारले १७ र कप्तान बिपिन खत्रीले १५ रन बनाए ।
आर्मीका शाहबले १० ओभरमा ४२ रन दिएर ५ विकेट लिए । कुशल मल्ल र नरेन साउदले २-२ विकेट लिए ।
आर्मीले ६ खेल खेल्दा ५ खेल जितेको छ । गण्डकी भने २ जित मात्र निकाल्दै फाइनल होडबाट बाहिरिसकेको छ ।
प्रतिक्रिया 4