२०८१ चैत ८ गते १७:०८ 
८ चैत, काठमाडौं । नेपाली यु-१९ पुरुष राष्ट्रिय क्रिकेट टोलीले भारतको प्रान्तीय टोली दिल्ली यु-१९ सँग द्विपक्षीय क्रिकेट श्रृंखला खेल्ने भएको छ।
नेपालमा आउँदो अप्रिलमा हुने आईसीसी यू-१९ विश्वकप एसिया छनोट प्रतियोगिताको तयारीस्वरूप शृंखला हुने भएको हो ।
श्रृंखला यही चैत १२ देखि १६ गतेसम्म पर्साको वीरगञ्जस्थित नारायणी क्रिकेट रंगशालामा आयोजना हुनेछ।
तालिकाअनुसार पहिलो खेल चैत १२ मा हुनेछ भने दोस्रो खेल १४ र तेस्रो खेल १६ गते हुनेछ ।
नेपाली टोलीले एसिया छनोटको तयारीलाई थप मजबुत बनाउन भारतको दिल्ली यु-१९ टोलीसँग तीन खेलको एकदिवसीय श्रृंखला खेल्न लागेको हो।
नेपाली यु-१९ टोलीले एसिया छनोटअघि नै अफगानिस्तान यु-१९ टोलीसँग पनि तीन खेलको शृंखला खेल्ने तय छ।
प्रतिक्रिया 4