२०८१ चैत ९ गते १५:२७ 
९ चैत, काठमाडौं । स्पीनर सुर्य तामाङले ५ विकेट लिएपछि बागमती प्रदेशले प्रधानमन्त्री कप पुरुष राष्ट्रिय क्रिकेट प्रतियोगितामा फराकिलो जित निकालेको छ ।
शनिबार देउखुरीमा भएको खेलमा बागमतीले कोशीलाई १३१ रनले हराएको हो । बागमतीले दिएको २४१ रनको लक्ष्य पछ्याएको कोशी २५.३ ओभरमा १०९ रनमा अलआउट भयो ।
आइस भट्टराईले ३७ तथा सुजन थपलियाले २५ र फिर्दोश अन्सारीले २४ रन बनाए । बागमतीका सुर्य तामाङले ९ ओभरमा २७ रन दिएर ५ विकेट लिए । रिजन ढकालले ३ तथा साकार गजुरलले २ विकेट लिए ।
त्यसअघि टस जितेर पहिले ब्याटिङ गरेको बागमतीले ४९.३ ओभरमा अलआउट हुँदै २४० रन बनाएको थियो । शुभ कंसाकारले ३९, आशुतोष घिरैयाले २९ तथा इशान पाण्डे र बिपिन आचार्यले समान २५ रन बनाए ।
रिजन ढकालले २२, सोनु देवकोटाले १८ र सुर्य तामाङले अविजित १७ रन बनाए । कोशीका सुजन थपलिया र प्रकाश कार्कीले २-२ तथा फिर्दोश अन्सारी, ज्ञानेन्द्र श्रेष्ठ र दिपेश कँडेलले १-१ विकेट लिए ।
प्रतिक्रिया 4