२०८१ चैत १० गते १२:३० 
१० चैत, काठमाडौं । किरण ठगुन्नाले प्रतियोगिताको दोस्रो शतक बनाएपछि प्रधानमन्त्री कप पुरुष राष्ट्रिय क्रिकेट प्रतियोगितामा सुदूरपश्चिम प्रदेशले कोशी प्रदेशविरुद्ध मध्यम योगफल बनाएको छ ।
देउखुरीमा टस जितेर पहिले ब्याटिङ गरेको सुदूरपश्चिमका लागि किरणबाहेक अन्य ब्याटर नचल्दा ४३.४ ओभरमा २४२ रनमै रोकिएको हो । सुदूरका लागि किरणले ९१ बलमा १२ चौका र ४ छक्कासहित ११५ रन बनाए ।
त्यसपछिको सर्वाधिक स्कोर टेक रावतको १६ रह्यो । अर्जुन बिकले १५ तथा निश्चल क्षेत्रीले १० रन बनाए ।
कोशीका लागि ज्ञानेन्द्र श्रेष्ठले ४ विकेट लिए । फिर्दोश अन्सारी र अंकित सुवेदीले २-२ विकेट लिँदा दिपेश कँडेल र प्रकाश कार्कीले १-१ विकेट लिए ।
प्रतियोगितामा सुदूरले ७ खेलमा २ जित निकाल्दा कोशीले १ जित मात्र निकालेको छ ।
प्रतिक्रिया 4