२०८१ चैत १० गते १९:५८ 
१० चैत, काठमाडौं । इशान किशनको शानदार शतकमा विशाल योगफल बनाएको सनराइजर्स हैदराबादले इन्डियन प्रिमियर लिग (आईपीएल) क्रिकेटमा शानदार सुरुवात गरेको छ ।
हैदराबादले राजस्थान रोयल्सलाई ४४ रनले हराएको हो । हैदराबादले दिएको २८७ रनको विशाल लक्ष्य पछ्याएको राजस्थानले २० ओभरमा ६ विकेट गुमाएर २४२ रन बनायो ।
ध्रुव जुरेलले सर्वाधिक ७० रन बनाए भने सन्जु सामसनले ६६ रन बनाए । शिम्रोन हेटमायरले ४२ रन बनाउँदा शुभम दुवे ३४ रनमा अविजित रहे ।
हैदराबादका लागि सिमरजित सिंह र हर्षल पटेलले २-२ विकेट लिए भने मोहम्मद शामी र एडम जाम्पाले १-१ विकेट लिए ।
त्यसअघि टस हारेर ब्याटिङको निम्तो पाएको हैदराबादले २० ओभरमा ६ विकेट गुमाएर २८६ रन बनाएको थियो । इशान किशनले अविजित १०६ रनको पारी खेलेका थिए भने ट्राभिस हेडले ६७ र हेनरिच क्लासेनले ३४ रन बनाए ।
राजस्थानका तुषार देशपाण्डेले ३ तथा महीश थिक्सानाले २ विकेट लिए । सन्दीप शर्माले १ विकेट हात पारे ।
प्रतिक्रिया 4