११ चैत, काठमाडौं । बजारमा लसुनको भाउ बढेको छ । कालीमाटी फलफूल तथा तरकारी बजार विकास समितिले सार्वजनिक गरेको तथ्यांक अनुसार नेपाली सुकेको लसुनको भाउ बढेको हो ।
सोमबार सुकेको नेपाली लसुनको भाउ थोकमा प्रतिकिलो ६५ रुपैयाँ बढेको हो । हिजो आइतबार किलोको २ सय २५ रुपैयाँमा कारोबार भएको लसुन आज भने २ सय ९० रुपैयाँमा किनबेच भइरहेको छ ।
सरकारले चिनियाँ लसुन आयातमा कडाइ गरेपछि पछिल्लो दुई महिनामा लसुन आयातमा गिरावट आएको छ । भन्सार विभागको तथ्यांक हेर्ने हो भने गएको ७ महिना अवधिमा ६ अर्ब २६ करोड रुपैयाँ बराबरको लसुन नेपाल भित्रिएको छ । त्यस्तै फागुन महिनामा ४ करोड ५९ लाख रुपैयाँको लसुन आयात भएको छ ।
त्यसैगरी कालीमाटीमा ससकेको चिनियाँ लसुनको भाउ आज सोमबार किलोमा ४० रुपैयाँ बढेर ३ सय १० मा किनबेच भइरहेको छ । हिजो आइतबार किलोको २ सय ७० रुपैयाँ थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4