
११ चैत, काठमाडौं । नयाँ आरोहण सिजन सुरु हुनै लाग्दा सर्वोच्च शिखर सगरमाथा आधार शिविरमा चहलपहल सुरु भएको छ ।
पर्यटन विभागका अनुसार आधार शिविरमा क्याम्प टाँग्ने काम थालिएको छ । आइसफल डाक्टरहरूले रुटमा डोरी टाँग्ने काम समेत थालेका छन् । विभाग निर्देशक आरती न्यौपानेका अनुसार ६ सय मिटर डोरी टाँग्ने काम भइसकेको छ ।
सगरमाथा क्षेत्रमा अहिले तापक्रम माइनस १४ डिग्रीसम्म झर्ने गरेको छ । दिन र रात दुवै समयमा चल्ने तीव्र हावाले भने केही चूनौती थपिएको समेत विभागको पछिल्लो अपडेटमा उल्लेख छ ।
वसन्त ऋतुमा सगरमाथा आरोहणमा सबैभन्दा आकर्षण हुने गर्छ । सरकारले बढी रोयल्टी समेत यसै हिमालबाट प्राप्त गर्छ । विभागले अब आरोहण अनुमति समेत दिन सुरु गर्छ ।
तस्वीर स्रोत : पर्यटन विभाग
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4