२०८१ चैत ११ गते २१:३३ 
११ चैत, काठमाडौं । न्युजिल्याण्ड आगामी वर्ष अमेरिका, क्यानडा र मेक्सिकोमा हुने फिफा विश्वकप २०२६ मा छनोट भएको छ ।
ओसियाना क्षेत्रको छनोटमा सोमबार न्यु कासेडोनियालाई ३-० ले पराजित गर्दै न्युजिल्याण्ड तेस्रो पटक फुटबल विश्वकपमा छनोट भएको हो ।
यसअघि न्युजिल्याण्डले सन् १९८२ र २०१० मा पुटबल विश्वकप खेलेको थियो ।
घरेलु मैदानमा न्युजिल्याण्डलाई जित दिलाउन माइकल बोक्जल, कोस्टा बार्बारोउसेस र एलिजा जस्टले गोल गरे । तीनै गोल दोस्रो भएको थियो ।
यसअघि दुई पटक प्लेअफ मार्फत विश्वकपमा पुगेको न्युजिल्याण्ड यस पटक भने ओसियानाको छनोटको तेस्रो चरणको फाइनलमा न्यु कासेडोनियालाई हराएर सिधै विश्वकपमा छनोट भएको हो ।
न्यु कासेडोनियाले अब विश्वकप पुग्नका लागि प्लेअफ खेल्नुपर्नेछ ।
सन् २०२६ मा नर्थ अमेरिकामा हुने फिफा विश्वकपमा छनोट हुने न्युजिल्याण्ड दोस्रो टिम बनेको छ । यसअघि एसियाबाट जापान छनोट भइसकेको छ । यस्तै आयोजकको रुपमा उत्तर अमेरिकाका तीनवटै टिम अमेरिका, क्यानडा र मेक्सिको स्वत विश्वकपमा छनोट भइसकेको छ ।
प्रतिक्रिया 4