२०८१ चैत ११ गते २२:०७ 
११ चैत, काठमाडौं । पोखरा थण्डर्सले नेपाल सुपर लिग (एनएसएल) को तेस्रो सिजनका लागि नाइजेरियन फरवार्ड माइकल चुक्वुबुन्नालाई अनुबन्ध गरेको छ ।
पोखराले ३७ वर्षीय चुक्वुबन्नासँग सम्झौता गरेको सोमबार सामाजिक सञ्जाल फेसबुकमार्फत जानकारी गराएको हो ।
पोखराले दोस्रो विदेशी खेलाडीको रुपमा उनलाई भित्र्याएको हो । यसअघि नै पोखराले नेपालमा ए डिभिजन लिग र एनएसएलको अनुभव लिइसकेका फरवार्ड स्टेफन समिर विनोङलाई अनुबन्ध गरिसकेको छ ।
भेट्रान चुक्वुबनुन्सँग एसियाको विभिन्न देशको लिग खेलेको अनुभव छ । उनले
दुई विदेशी फरवार्ड खेलाडी अनुबन्ध गरेपछि पोखराको फरवार्ड लाइन राम्रो बनेको छ । पोखराले तेस्रो संस्करणका लागि मार्की प्लेअरमै युवा फरवार्ड समिर तामाङलाई अनुबन्ध गरेको छ । यस्तै पहिलो संस्करण मार्की रहेका नवयुग श्रेष्ठ पनि पोखरामै फर्किएका छन् । उनी राम थापको रिप्लेसमेन्टको रुपमा पोखरामा अनुबन्ध भएका हुन् । दोस्रो सिजन मार्की रहेका युवा मिडफिल्डर आयुष घलान यस पटक पोखराको कप्तान नियुक्त भएका छन् । यस्तै फरवार्ड लाइनमा चन्दन दास पनि छन् ।
पोखराले तेस्रो संस्करणका लागि मार्की प्लेअरसँगै मुख्य प्रशिक्षक पनि नयाँ अनुबन्ध गरेको छ । पोखराले सुमन श्रेष्ठलाई मुख्य प्रशिक्षक नियुक्त गरेको छ ।
एनएसएलको दोस्रो संस्करणको लिग चरणमा शीर्ष स्थानमा रहेर पनि दुवै क्वालिफायरमा पराजित हुँदा पोखराको उपाधि जित्ने लक्ष्य अधुरै रहेको थियो ।
यसपटक पोखराले पनि मार्की र कप्तान सहित कोचिङ स्टाफ सबै परिवर्तन गरेको हो ।
पोखराले तेस्रो संस्करणका लागि आयुषसँगै क्याटेगोरी बी बाट पदम भट्टराई र क्याटेगोरी सी बाट नरेन्द्र चौधरीलाई रिटेन गरेको थियो । यस्तै अक्सनमा पोखराले सुरज ज्यु ठकुरी, चन्दन दास, विशाल तामाङ, कृशल मोक्तान, एकराज बुढाथोकीलाई अनुबन्ध गरेको थियो ।
यही चैत १६ गतेदेखि सुरु हुने एनएसएलमा पोखराले चैत १८ गते एफसी चितवनसँग पहिलो खेल खेल्नेछ ।
प्रतिक्रिया 4