+
+
Shares

जन्मदिनमा ज्येष्ठ नागरिकलाई भूमिकाले गराइन् भोजन

अनलाइनखबर अनलाइनखबर
२०८१ चैत १२ गते १३:३५
Photo Credit : नवजीवन परोपकार समाज

काठमाडौं । गायिका भूमिका गिरीले जन्मदिनको अवसरमा वृद्धाश्रम पुगेर त्यहाँ आश्रित ज्येष्ठ नागरिकहरुलाई भोजन गराएकी छन् ।

तारकेश्वर नगरपालिका–७ फुटुङस्थित नवजीवन परोपकार समाजमा पुगेर त्यहाँ आश्रित करिब ४० जना ज्येष्ठ नागरिकहरुलाई खाना खुवाएकी हुन् ।

उनी त्यहाँ पुग्नासाथ समाजको तर्फबाट दियो बालेर जन्मदिनको शुभकामना दिइएको थियो । ‘त्यसपछि सुरुमा फलफूल र जुस खुवाएँ । पछि खाना पनि खुवाएर फर्किएँ’ उनले भनिन्, ‘त्यो संस्थामा भोजन गराइसकेपछि पनि अरु विभिन्न व्यक्तिहरुलाई भेटेर सहयोग गरेँ ।’

उनले हरेक वर्ष जन्मदिन र वैवाहिक वर्षगाँठमा सहयोगापेक्षीहरुलाई सहयोग गर्दै आएकी छन् । यसैक्रममा उनी सोमबार फुटुङ पुगेर वृद्धाश्रममा सहयोग गरेकी हुन् ।

यसअघि उनले वैवाहिक वर्षगाँठको बेला गोकर्णस्थित अपाङ्गता भएका व्यक्तिहरुलाई राखिएको आश्रम र मूलपानीस्थित स्नेहा आश्रमका बालबालिकालाई खाना, मिठाइ र कपडा वितरण गरेकी थिइन् ।

‘बर्थडे (जन्मदिन), एनिभर्सरी (वैवाहिक वर्षगाँठ)को बेला अरुमा फजुल खर्च गर्नुभन्दा सहयोगापेक्षीहरुलाई सहयोग गरौं भनेर खाना, फलफूल, औषधि, किताबकापी सहयोग गर्दै आएकी छु,’ उनले भनिन्, ‘संस्था र व्यक्ति छनोट गर्दा अरुको धेरै ध्यान नपुगेको आधारमा छान्ने गरेकी छु ।’

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?