२०८१ चैत १२ गते १६:१९ 
१२ चैत, काठमाडौं । नेपाली यु-१९ पुरुष राष्ट्रिय क्रिकेट टोलीले भारतको प्रान्तीय टोली दिल्ली यु-१९ सँगको पहिलो अभ्यास खेलमा जित निकालेको छ ।
नेपालमा आउँदो अप्रिलमा हुने आईसीसी यू-१९ विश्वकप एसिया छनोट प्रतियोगिताको तयारीस्वरूप आयोजित शृंखलाको पहिलो खेलमा नेपाल ५ विकेटले विजयी भएको हो ।
वीरगञ्जस्थित नारायणी क्रिकेट रंगशालामा दिल्लीले दिएको ९६ रनको लक्ष्य नेपालले ३१ ओभरमा ५ विकेट गुमाएर भेटायो । अमर मिश्राले २७ तथा रोशन बिकले अविजित २५ रन बनाए ।
त्यसअघि टस जितेर पहिले ब्याटिङ गरेको दिल्लीले २३.२ ओभरमा अलआउट हुँदै ९५ रन मात्र बनाएको थियो । साथक पलले सर्वाधिक २९ रन बनाएका थिए ।
नेापलका सिब्रिन श्रेष्ठ र अपराजित पौडेलले ३-३ तथा बिपिनप्रसाद शर्मा र अशोक धामीले २-२ विकेट लिए ।
अब दोस्रो खेल १४ र तेस्रो खेल १६ गते हुनेछ ।
प्रतिक्रिया 4