२०८१ चैत १३ गते १९:३८ 
१३ चैत, काठमाडौं । बूढानीलकण्ठ हात्तीगौडा स्पोर्टस् कमिटीको आयोजनामा बूढानीलकण्ठ फाइट नाइट वैशाख २० गते हुने भएको छ ।
प्रतियोगितामा विभिन्न १० तौल समूहमा नेपाल सहित ३ राष्ट्रका २० खेलाडी ‘वान भर्सेस वन’ फर्म्याटमा प्रतिस्पर्धा गर्ने आयोजक कमिटीका अध्यक्ष निलम अधिकारीले जनाएका छन् ।
नेपालबाट सर्वाधिक १३ खेलाडी सहभागी हुने छन् । भारतबाट ६ र थाइल्यान्डबाट १ खेलाडीले चुनौती प्रस्तुत गर्ने छन् । पुरुषमा ७ र महिलामा ३ स्पर्धामा भिडन्त हुनेछ ।
गलाक द लाइफ स्टायलको व्यवस्थापनमा हुने प्रतियोगिताको कुल पुरस्कार राशि ६ लाख रुपैयाँ रहेको छ । नेपाल राष्ट्रिय मुवाँथाईं संघको प्रावधिक सहयोगमा हुने प्रतियोगिताका खेलहरु हात्तीगौडामा हुनेछ ।
नेपालमा पनि मुवाँथाईं खेललाई व्यावसायिक बनाउने उद्देश्यले प्रतियोगिता आयोजना गर्न लागिएको नेपाल राष्ट्रिय मुवाँथाईं संघका अध्यक्ष गणेशलाल कक्षपतिले जनाएका छन् ।
प्रतिक्रिया 4