१५ चैत, काठमाडौँ । प्रतिनिधि सभाको बैठक बस्दै नबसी स्थगित भएको छ ।
बिहान ११ बजेका लागि तय भएको बैठक बस्न नसकेपछि सूचना निकालेर दिउँसो सवा १ बजेका लागि राखिएको छ ।
सभामुख देवराज घिमिरेले प्रमुख राजनीतिक दलका प्रमुख सचेतकहरूसँग दुई घण्टा लामो छलफल गरेका थिए । तर, निकास निस्कन सकेन । त्यसपछि सूचना टाँसेर बैठकको समय सारिएको हो ।
तोकिएको समय भन्दा दुई घण्टा ढिलो भए प्रतिनिधि सभाको बैठक स्वतः स्थगित हुने व्यवस्था छ । यो व्यवस्था छल्न संसद सचिवालयले दुई घण्टा पुग्नु अगावै सूचना निकालेर संसद बैठक बस्ने समय परिवर्तन गरेको हो ।
नेपाल विद्युत प्राधिकरणका कार्यकारी निर्देशक कुलमान घिसिङको बर्खास्तीबारे विपक्षी दलहरूले प्रधानमन्त्री केपी शर्मा ओलीको जवाफ माग गर्दै आएका छन् ।
प्रधानमन्त्रीले जवाफ नदिएसम्म सदन चल्न नदिने विपक्षीको अडान छ । प्रधानमन्त्री केप ीओली पनि जवाफका लागि तयार भएका छैनन । दुवै पक्षको अडानले प्रतिनिधि सभाको बैठक प्रभावित हुँदै आएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4