एनएसएलको लागि ७ वटै टोली तयार

१५ चैत, काठमाडौं ।  नेपालको फ्रेन्चाइज फुटबल नेपाल सुपर लिग (एनएसएल)को तेस्रो संस्करण शनिवारदेखि काठमाडौंमा सुरु हुँदैछ ।

तेस्रो संस्करणमा प्रतिस्पर्धा गर्ने ७ वटै टोलीले लिगका लागि उत्साहित रहेको र तयारी पूरा भएको जनाएको छ । उद्घाटन खेल दुई पूर्व विजेता ललितपुर सिटी एफसी र काठमाडौं रेजर्सबीच शनिवार हुनेछ । खेल दशरथ रंगशालमा साँझ ६ बजे सुरु हुनेछ ।

शुक्रबार भएको प्रि म्याच कन्फ्रेन्समा सहभागि टोलीका कप्तान र प्रशिक्षकले एनएसएलका लागि तयार रहेको छ । शुक्रबार साँझ लागेको कर्फ्युका कारण झापा एफसीको कप्तान र प्रशिक्षक उपस्थित हुन सकेनन् भने बाँकी ६ टोलीका प्रशिक्षक र कप्तानले आफ्नो टिमको तयारी, टिमको अवस्था र लिगमा टिमको लक्ष्यबारे सुनाए ।

प्राय सबै टोलीले छोटो समय तयारी भएको गुनासो गरे । मोफसलका गोल्डकप र नेपालको राष्ट्रिय टिमको खेलका खेलाडीहरु दुई दिनअघि मात्रै टिममा सामेल भएका थिए ।

यस्तै धेरै टिमका विदेशि खेलाडीहरु ढिला आएका थिए भने केही अझै आउने क्रम जारी छ । त्यसैले पनि धेरै टिमले पूर्ण स्क्वाडका साथ धेरै समय तयारी गर्न पाएन ।

साविक विजेता ललितपुरका प्रशिक्षक साइमन ग्रेसनले राष्ट्रिय टिमका खेलाडी नहुँदा सहज नभएको बताए । उनले आफ्नो टिमले ललितपुरको प्रतिनिधित्व गर्ने र उपाधि रक्षा गर्न प्रयास गर्ने बताए ।

इंग्ल्याण्डका यी अनुभवी प्रशिक्षकले खेल्न मात्र नभई जित्ने लक्ष्य रहेको सुनाए ।

यस्तै कप्तान तथा मार्की अनन्त तामाङले पनि टिम तयार रहेको बताए । तर यस पटक सबै टिम उस्तै रहेकोले उपाधि रक्षा गर्न कठिन हुने उनको भनाई थियो । ‘यस पटक उपाधि रक्षा गर्न गाह्रो छ । किनभने सबै टिम टफ छन् ।’

लिगमा ६ खेल मात्र हुने भएकोले प्रतिस्पर्धात्मक हुने र त्यही अनुसार तयारी गरिरहेको अनन्तले बताए ।

यस्तै पहिलो संस्करणका विजेता काठमाडौं रेजर्सका मुख्य प्रशिक्षक प्याट्रिक डि विल्डले आफ्नो टिमको तयारी राम्रो रहेको बताए । उनले अहिलेसम्म खेल नखेलेको र खेलपछि धेरै कुरा थाहा हुने बताए ।

प्रशिक्षक विल्डले लिगमा राम्रो प्रदर्शन गर्ने र उपाधि जित्ने लक्ष्य रहेको सुनाए ।

यस्तै विल्डले कप्तान कुलदिप कार्कीको प्रशंसा गर्दै उनी राम्रो खेलाडी भएको बताए ।

यसअघि दोस्रो संस्करणमा पनि काठमाडौंको कप्तानी गरिसकेका कुलदिपले काठमाडौंको नेतृत्व गर्न पाउँदा खुशी लागेको बताउँदै विदेशी कोचबाट धेरै कुरा सिकेको बताए ।

कुलदिपले सबैले जित्नका लागि खेल्ने र आफ्नो टिमले पनि जित्नकै लागि खेल्ने बताए । ‘सबै टिम टफ छ । यसपाली विदेशीहरु धेरै छन् । हाम्रो टिममा पनि विदेशी र नेपाली खेलाडी राम्रो छ ।’ले हाम्रध टिममा पनि विदेशी राम्रो छ र नेपाली पनि राम्रध छ

यसैगरी धनगढी एफसीका मुख्य प्रशिक्षक हुवा म्यानुएलले लिगका लागि टिम तयार रहेको र आफ्नो लागि नेपालमा फरक अनुभव भइरहेको सुनाए ।

उनले फुटबलमा सफल हुन धेरै कुरा चाहिने भन्दै मिहिनेत गर्ने र बाँकी कुरा आफ्नो कन्ट्रोलमा नहुने बताए । ‘हामी फाइट गर्छौँ । ट्रफी के हुन्छ भन्न सक्दिन ।’

उनले धनगढीका कप्तान देवेन्द्र तामाङ सहित कृतिश रत्न छुन्जु लगायतको प्रशंसा गरे ।

कप्तान देवेन्द्रले आफ्नो टिमको पहिलो लक्ष्य क्वालिफायर भएको र त्यसपछि फाइनल र उपाधिबारे सोच्ने बताए । ‘पहिलो लक्ष्य क्वालिफायर हो । त्यसपछि अगाडि सोच्छौँ । क्वालिफायर पुगेपछि फाइनल पुग्दै उपाधि जित्ने लक्ष्य हो ।’ उनले भने ।

देवेन्द्रले यस पटक रेगुलर खेलिरहेका विदेशी खेलाडी आएकोले टिम राम्रो बनेको बताए । उनले उपविजेतामा ह्याट्रिक नगर्ने र उपाधि नै जित्ने लक्ष्य सुनाए ।

चितवनका मुख्य प्रशिक्षक नविन न्यौपानेले यस पटक चितवनको जिम्मेवारीलाई चुनौतीको रुपमा लिएको र चितवनलाई राम्रो नतिजा दिलाउने लक्ष्य रहेको बताए । ‘चितवन यसअघि दुई पटक फाइनलराउण्डमा पुग्न सकेको छैन । यस पटक मैले यो जिम्मेवारीलाई चुनौतीको रुपमा लिएको छु र चितवनलाई फाइनल राउण्डमा पुर्‍याएर ट्रफी दिलाउने विश्वास लिएको छु।’

प्रशिक्षक न्यौपानेले चितवनको टिममा खेलाडीहरुको बन्डिङ राम्रो रहेको र आफूले अहिले खेलाडी बन्डिङ र म्यानेजमेन्टमा ध्यान दिएको बताए । यसो हुँदा नतिजा राम्रो आउने उनले बताए ।

यस्तै मार्की तथा कप्तान अन्जन विष्टले टिममा सबै यसअघि सँगै खेलेका धेरै खेलाडी रहेकोले सजिलो हुने र पारिवारिक माहोल रहेको पनि बताए ।

उनले अघिल्लो सिजन चोटका कारण झापा एफसीमा राम्रो प्रदर्शन गर्न सकेनन् । यस पटक आफूले बेस्ट प्रदर्शन दिने बताए । यस्तै एक्लैले केही गर्न नसक्ने र टिमको रुपमा खेल्ने बताए । ‘म एक्लै खेलेर केही हुँदैन । सबै टिम मिलेर राम्रो गर्ने हो । यस पटक सक्दो राम्रो गर्ने प्रयास गर्नेछु ।’ उनले भने ।

बुटवल लुम्बिनीका भुटानी प्रशिक्षक पुष्पलाल शर्माले एन्फाले नपत्याएपनि एनएसएलमा आफूलाई नेपाल बोलाएकोमा खुशी व्यक्त गरे । साथै उनले नेपाली खेलाडीहरुको बारेमा यसअघि नै जानकारी रहेको र बुटवमा काम गर्दा खासै कठिन नभएको बताए ।

यस्तै बुटवल लुम्बिनीका कप्तान मनिष डाँगीले यस पटक लिगमा थोरै खेल हुने भएकोले धेरै कुरा पहिलो खेलबाटै निर्धारण हुने बताए । ‘अहिले पहिलो खेलमा प्राथमिकता छ । पहिलो खेलबाटै धेरै कुरा निर्धारण हुन्छ किनभने थोरै खेल छ । खेल टफ हुनेछ ।’

डाँगीले जितकै लागि खेल्ने र च्याम्पियन बन्ने लक्ष्य रहेको बताए ।

पोखराका प्रशिक्षक सुमन श्रेष्ठले यसअघिको सिजन राम्रो खेल्दा पनि नतिजा आउन नसकेको उल्लेख गर्दै यस पटक कमी कमजोरि सुधार गरेर राम्रो प्रदर्शन गर्ने बताए । ‘यस पटक राम्रो नतिजा ल्याउने भनेर लागेका छौँ । मेन्टल्ली सबै तयार छन् । टिम व्यवस्थापनले पनि राम्रो सपोर्ट गरेको छ ।’ उनले भने ।

उनले मार्की प्लेअर समिर तामाङको बारेमा बी डिभिजन क्लब प्लानिङ ब्वाइजसँग कुरा भइसकेको र उनले एनएसएल खेल्ने बताए ।

कप्तान नवयुग श्रेष्ठले लिगका लागि तयार रहेको र ट्रफीकै लागि तयार गरेको बताए । उनले अक्सनमा अनसोल्ड हुँदा नै आफ्नो लागि चुनौती भएको बताउँदै अबको यात्रा पनि चुनौती हुने बताए ।‘ तयारी ट्रफी कै लागि गर्ने हो । तर त्यो भनुदा अघिका खुड्किलो हरु पार गर्दै अघि बढ्ने हो ।’ उनले भने ।