+
+
Shares
टेलिभिजन :

‘कमेडी नाइट विथ च्याम्पियन्स’ प्रिमियर, दीपाश्री भन्छिन् : युद्ध जितेजस्तै

भोलिदेखि प्रसारण हुने

अनलाइनखबर अनलाइनखबर
२०८१ चैत १८ गते १६:१३

काठमाडौं । प्रसारणको पूर्वसन्ध्यामा प्रतीक्षित टिभी शो ‘कमेडी नाइट विथ च्याम्पियन्स’लाई प्रिमियर गरिएको छ । सोमबार नयाँ बानेश्वरस्थित वान सिनेमाजमा आयोजित प्रिमियरमा कलाकार र शोको टिम सहभागी रह्यो ।

शोमा अध्यक्षको रुपमा देखिन लागेकी दीपाश्री निरौलाले यो कार्यक्रम गर्दा आफूलाई ‘युुद्ध जितेजस्तो महसुस’ भएको बताइन् । ‘मलाई यतिबेला फिल्मको प्रिमियरमा जस्तै ढुकढुक भएको छ’ उनले भनिन् ।

हिमालय टिभीका कार्यकारी निर्देशक श्याम कँडेलले दर्शकलाई विविध विषयवस्तुमा गुणस्तरीय कार्यक्रम उपलब्ध गराउने टेलिभिजनको ध्येय रहेको बताए । यो कार्यक्रमले पनि आफूहरूको उक्त आशा पुरा गर्ने कँडेलले बताए ।

निर्देशक विशाल भण्डारीले दर्शकमाझ नयाँ सिजन ल्याएर आउन लाग्दा आफू एकदमै उत्साहित रहेको बताए । सो अवसरमा शोमा प्रस्तुति दिने हास्य कलाकारको परिचय दिलाइएको थियो । साथै, दीपकराज गिरी र जितु नेपाल अतिथि रहेको पहिलो एपिसोडको प्रदर्शन गरिएको थियो ।

शोमा प्रभात लामा, भरतमणि पौडेल, कैलाश कार्की, सन्तोष थापा, पवन भट्टराई, सजन श्रेष्ठ, सुमन कार्की, मेक्सम गौडेल र सुमन कोइरालाले शोमा हास्य प्रस्तुति दिनेछन् । भब्य सेट र संरचनासहित आउन लागेको शोलाई थ्री प्रोडक्सन प्रालिले निर्माण गरेको हो ।

यो शो हिमालय टिभीमा प्रसारण हरेक साताको मंगलबार राती ९ बजे र युट्युबमा ओएसआर रियालिटी च्यानलमा आउनेछ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?